گەودەزيا جانە كارتوگرافيا سالاسى قىزمەتىنىڭ دامۋ قارقىنى تۋرالى قر ءتسدياوم گەودەزيا جانە كارتوگرافيا كوميتەتىنىڭ توراعاسى قاجمۇحان بەكمۇقاشەۆ ايتىپ بەردى, دەپ جازادى Egemen.kz.
ونىڭ ايتۋىنشا, قازاقستان اۋماعىنداعى كارتالار سوڭعى رەت وتكەن عاسىردىڭ سوڭىندا – 80-90 جىلدارى جاڭارتىلعان.
«2005 جىلدان باستاپ قازاقستان تەرريتورياسىنىڭ توپوگرافيالىق كارتالارى تسيفرلاندىرىلىپ, جاڭارتىلدى. اۋماقتىڭ 65% جانە 58% اەروتۇسىرىلىم جاسالدى. قازىرگى تاڭدا رەسپۋبليكالىق ماڭىزداعى 3 قالانىڭ, تۇركىستاننان باسقا 13 وبلىس ورتالىعىنىڭ توپوگرافيالىق جوسپارلارى جاسالدى. تۇركىستان قالاسىنىڭ توپوگرافيالىق جوسپارى بيىل جاسالىپ بىتەدى», دەدى كوميتەت باسشىسى.
سونىمەن قاتار, 51 قالا جانە شاعىن قالانىڭ, 54 اۋدان ورتالىعى مەن 209 ەلدى مەكەننىڭ تسيفرلىق جوسپارلارى قۇرىلعان.