الداعى دەمالىس كۇندەرىنە ارنالعان اۋا رايى بولجامى

اپتا سوڭىندا ەل اۋماعىنىڭ باسىم بولىگى, ءالى دە ءوتىپ بارا جاتقان تسيكلون جىراسىنىڭ ىقپالىندا بولادى. سولايشا ەلدىڭ سولتۇستىگىندە, سولتۇستىك-باتىسىندا, ورتالىعىندا, شىعىسىندا جانە وڭتۇستىك-شىعىستىڭ تاۋلى اۋداندارىندا ەكپىندى جەل, وڭتۇستىك-شىعىسىندا جانە شىعىسىندا نايزاعايمەن جاڭبىر جاۋادى.

سودان كەيىن 12 قىركۇيەكتەن باستاپ قازاقستان اۋماعىنا ماسكەۋ اۋداندارىنان سۋىق انتيتسيكلون اۋىساتىن بولادى. ول نەگىزىنەن جاۋىن-شاشىنسىز اۋا-رايى مەن تۇندە اۋا تەمپەراتۋراسىنىڭ باتىستا, سولتۇستىك-باتىستا, سولتۇستىكتە, ورتالىق پەن شىعىستا مينۋس ماندەرىنە دەيىن تومەندەۋىنە اكەلەدى.

رەسپۋبليكانىڭ باتىسىندا اۋا تەمپەراتۋراسى تۇندە 1 اياز – 12 جىلۋ, كۇندىز 15-27-دەن 20-30 جىلۋ, سولتۇستىك-باتىستا اۋا تەمپەراتۋراسىنىڭ تومەندەۋى تۇندە 3-13 جىلۋدان 3 ايازعا دەيىن – 10 جىلۋ, كۇندىز نەگىزگى فون 12-23 جىلۋ, سولتۇستىكتە جانە ورتالىقتا اۋا تەمپەراتۋراسىنىڭ تومەندەۋى تۇندە 3-13 جىلۋدان 3 ايازعا دەيىن – 5 جىلۋ, كۇندىز نەگىزگى فون 10-20 جىلۋ, شىعىستا 5-13 جىلۋدان 1 ايازعا دەيىن – 10 جىلۋ, كۇندىز 17-25 رەسپۋبليكانىڭ وڭتۇستىگى مەن وڭتۇستىك-شىعىسىندا اۋا تەمپەراتۋراسى تۇندە 4-15, كۇندىز 19-28 جىلى بولادى.