نۇر-سۇلتانداعى «وتانداستار» قورىنىڭ الاڭىندا دۇنيەجۇزى قازاقتارى قاۋىمداستىعى باسشىلىعىنىڭ, قوعام قايراتكەرلەرى مەن ساراپشىلاردىڭ قاتىسۋىمەن مەملەكەت باسشىسىنىڭ قازاقستان حالقىنا جولداۋىن تالقىلاۋ بويىنشا دوڭگەلەك ۇستەل ءوتتى.
قاتىسۋشىلار جولداۋدى تالقىلاپ, پرەزيدەنت بەلگىلەگەن جوسپارلار مەن نەگىزگى مىندەتتەردى ىسكە اسىرۋ بويىنشا پىكىر الماستى.
«وتانداستار» قورىنىڭ ۆيتسە-پرەزيدەنتى ماعاۋيا سارباسوۆ جولداۋدىڭ وسى تۇستارىنا نازار اۋداردى: شەتەلدە جۇمىس ىستەيتىن ازاماتتارىمىزدىڭ قۇقىقتارىن قورعاۋ مەحانيزمدەرىن كورسەتە وتىرىپ, كوشى-قون ساياساتىنىڭ تۇجىرىمداماسىن ازىرلەۋ, ەلدىڭ وڭتۇستىگىنەن سولتۇستىگىنە قونىس اۋداراتىن ازاماتتارعا جاردەماقى ءبولۋ.
سونىمەن قاتار م.سارباسوۆ قازاقستانعا كوشۋدى جوسپارلاپ وتىرعان شەتەلدەگى وتانداستار مەن قانداستاردى قولداۋعا باعىتتالعان جوبالار تۋرالى ايتىپ بەردى. ول «وتانداستار» قورىنىڭ شەتەلدە تۇراتىن قانداستارعا جولداۋدىڭ نەگىزگى يدەيالارىن تۇسىندىرۋدەگى ماڭىزدى ءرولىن اتاپ ءوتتى.