بەلگىلى بولعانداي, «تارازەنەرگوورتالىق» اق جامبىل وبلىسى بويىنشا تابيعي مونوپوليالار سۋبەكتىلەرىنىڭ مەملەكەتتىك تىركەلىمىنىڭ جەرگىلىكتى بولىمىنە جىلۋ ەنەرگياسىن ءوندىرۋ جانە ونىمەن جابدىقتاۋ قىزمەتتەرىن ۇسىنۋ بويىنشا ەنگىزىلگەن بولاتىن, دەپ جازادى Egemen.kz.
ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ جامبىل وبلىسى بويىنشا دەپارتامەنتى جۇرگىزگەن تالداۋ ناتيجەسىندە «تارازەنەرگوورتالىق» اق تاراپىنان بەكىتىلگەن تاريفتىك سمەتانىڭ ورىندالماعانى انىقتالدى.
«تابيعي مونوپوليالار تۋرالى» قر زاڭىنىڭ 26-بابىنىڭ 2-تارماعىنىڭ 15-تارماقشاسىنا سايكەس, تابيعي مونوپوليا سۋبەكتىسى بەكىتىلگەن تاريفتىك سمەتانى ورىنداۋعا مىندەتتى.
«جوعارىداعىنىڭ نەگىزىندە, دەپارتامەنت «تارازەنەرگوورتالىق» اق-عا قاتىستى «اكىمشىلىك قۇقىق بۇزۋشىلىق تۋرالى» قر كودەكسىنىڭ 164-بابىنىڭ 4-بولىگى بويىنشا اكىمشىلىك قۇقىق بۇزۋشىلىق تۋرالى ءىس قوزعاپ, 1600 اەك مولشەرىندە, ياعني 4 667 200 تەڭگە اكىمشىلىك ايىپپۇل سالدى», دەلىنگەن حابارلامادا.