جەكسەنبى كۇنى جاپونيانىڭ استاناسى – توكيونىڭ ءدال ىرگەسىندە ورنالاسقان تيبا قالاسىندا ۆولەيبولدان ەرلەر اراسىنداعى ازيا چەمپيوناتىنىڭ جالاۋى جەلبىرەيدى, دەپ حابارلايدى Egemen.kz.
اتالمىش دودادا D توبىنا تۇسكەن قازاقستان قۇراماسى ءدال سول كۇنى ءوزىنىڭ تۇساۋكەسەر كەزدەسۋىن تايپەيگە قارسى وتكىزەدى. كەلەسى تاۋلىكتە وڭتۇستىك كورەيامەن كۇش سىناسامىز. 14 قىركۇيەكتە ساۋد ارابياسىمەن شەبەرلىك بايقاسامىز. وسى سىناقتان سۇرىنبەي وتسەك, پلەي-وفف دوداسىنا جولداما الىپ, جۇلدەلى ورىندار ءۇشىن تالاسۋ مۇمكىندىگىنە يە بولامىز.
ال وزگە توپتارداعى باسەكەلەر مىنا كوماندالار اراسىندا وتەدى: ا توبى – جاپونيا, ءۇندىستان, كاتار جانە باحرەين. ۆ توبى – يران, پاكىستان, تايلاند جانە گونكونگ. س توبى – قىتاي, اۋستراليا, كۋۆەيت جانە شري-لانكا.