قر دەنساۋلىق ساقتاۋ ءمينيسترىنىڭ مىندەتىن اتقارۋشىسى 2021 جىلعى 27 تامىزداعى بۇيرىعىمەن دارىلىك زاتتىڭ ساۋدالىق اتاۋىنا ارنالعان ءوندىرۋشىنىڭ شەكتى باعاسى, بولشەك جانە كوتەرمە ساۋدادا وتكىزۋ ءۇشىن دارىلىك زاتتىڭ ساۋدالىق اتاۋىنا ارنالعان شەكتى باعالاردى بەكىتتى, دەپ حابارلايدى Egemen.kz.
ماسەلەن, كوتەرمە ساۋدا ءۇشىن انالگين قۇنى وندىرۋشىگە بايلانىستى قاپتاما ءۇشىن 55,26 تەڭگەدەن 550,44 تەڭگەگە دەيىن, بولشەك ساۋدا ءۇشىن - 85,65 - 798,14 تەڭگە بولىپ بەكىتىلدى.
انگيسەپت باعاسى كوتەرمە ساۋدا ءۇشىن 62,92 - 85,91 تەڭگەنى جانە بولشەك ساۋدادا 97,53 - 113,16 تەڭگەنى قۇرايدى. انتيگريپپين قازاقستاندىقتارعا وندىرۋشىگە بايلانىستى - 388,23 - 784,74 تەڭگە تۇرادى. بارالگين باعاسى بەلگىلەنگەن 1 885,60 - 2 084,30 تەڭگە. ۆاليدول - 170,87 تەڭگە.
ديكلوفەناكتىڭ قۇنى 520 تەڭگەدەن (تابلەتكالار) 2 779 تەڭگەگە دەيىن (كوز تامشىلارى) انىقتالدى. يبۋپروفەن وندىرۋشىگە بايلانىستى 187 تەڭگەدەن 2 329 تەڭگەگە دەيىن بولادى.
كارديوماگنيل باعاسى مىنا شەكتە بەكىتىلگەن - 483,55 - 2 397 تەڭگە ء(وندىرۋشى مەن دوزاسىنا بايلانىستى), پاراتسەتامول 30-دان 420,48 تەڭگەگە دەيىن (سۋسپەنزيا).
تىزىمدە بارلىعى 7023 پرەپارات بار.
بۇيرىق 2021 جىلعى 18 قىركۇيەكتەن باستاپ قولدانىسقا ەنگىزىلەدى.