ساياسي ەكونوميكا بارلىق ەكونوميكالىق ءىلىمنىڭ كۇرەتامىرى ىسپەتتەس. ول وزگە عىلىمدارعا تامىرىن جايدى, سولارمەن كەرەگەسىن كەڭەيتتى, ولاردىڭ ارقايسىسى وزىندىك دامۋ شەڭبەرىن ايقىندادى. قازاقستانداعى ەكونوميكالىق باعىتتىڭ ىرگەتاسىن قالاۋعا اتسالىسقانداردىڭ ءبىرى – ەكونوميكا عىلىمدارىنىڭ دوكتورى, پروفەسسور ەرجان جاتقانباەۆ.
ساياسي ەكونوميكا بارلىق ەكونوميكالىق ءىلىمنىڭ كۇرەتامىرى ىسپەتتەس. ول وزگە عىلىمدارعا تامىرىن جايدى, سولارمەن كەرەگەسىن كەڭەيتتى, ولاردىڭ ارقايسىسى وزىندىك دامۋ شەڭبەرىن ايقىندادى. قازاقستانداعى ەكونوميكالىق باعىتتىڭ ىرگەتاسىن قالاۋعا اتسالىسقانداردىڭ ءبىرى – ەكونوميكا عىلىمدارىنىڭ دوكتورى, پروفەسسور ەرجان جاتقانباەۆ.
ەرجان بايعوجا ۇلىنىڭ ءومىر جولى قاسيەتتى قازاقتىڭ دارقان دالاسىنىڭ بىرىندە بەسقاينار ەلدى مەكەنىندە باستاۋ الدى. سوعىستان كەيىنگى بارلىق بالالار سەكىلدى, ەرجان بايعوجا ۇلىنىڭ دا ءومىرى جەڭىل بولعان جوق. الايدا, اتا-انا قامقورلىعىنىڭ, ءوزىنىڭ ماڭداي تەرىمەن كەلگەن ەتەنە ەڭبەگىنىڭ جەمىسىندە ەرجان بايعوجا ۇلى م.ۆ.لومونوسوۆ اتىنداعى ممۋ ەكونوميكا فاكۋلتەتىن ويداعىداي ءتامامداپ شىقتى. ول كەڭەس ءداۋىرىنىڭ عالىم-ەكونوميستەرى ا.تساگولوۆ, ۆ.ۆ.كۋليكوۆ, ن.ۆ.حەسسين, ۆ.پ.شكرەدوۆ جانە تاعى باسقالاردان ءتالىم الۋ باقىتىنا يە بولدى.
مىنە, جارتى عاسىر بويى, ەرجان بايعوجا ۇلى قازاقتىڭ ءبىلىمى مەن عىلىمىن دامىتۋعا ادال ءارى ءونىمدى ەڭبەك ەتىپ كەلەدى. ول جامبىل جەڭىل جانە تاعام ونەركاسىبى تەحنولوگيالىق ينستيتۋتىنىڭ الماتى فيليالىنان باستالاتىن, كەيىن, قازكسر جوو مينيسترلىگىندە پەداگوگيكالىق ءارى عىلىمي-تاجىريبەلىك قىزمەتىندە جالعاسقان, س.م.كيروۆ اتىنداعى قازمۋ-دە ۇلاسقان, كانديداتتىق جانە دوكتورلىق ديسسەرتاتسيا قورعاۋ سىندى كۇرمەۋى كوپ قيىن-قىستاۋ قىزمەت باسپالداعىنان ءوتتى. تەرەڭ ءبىلىمى جانە ادامي قۇندىلىقتارىنىڭ سارقىلماس كەنى ول كىسىنى باسشىلىقتىڭ تورىنە باستادى. ۋنيۆەرسيتەتتىڭ جەتەكشى بولىمدەرىن باسقاردى. قازۇۋ ەكونوميكا جانە الەۋمەتتانۋ فاكۋلتەتىنىڭ, حالىقارالىق قاتىناستار فاكۋلتەتىنىڭ دەكانى دا بولدى, حالىقارالىق بايلانىستار ءجونىندەگى پرورەكتور قىزمەتىن دە اتقاردى.
ەرجان بايعوجا ۇلى زاماناۋي ەكونوميكالىق ءبىلىم بەرۋدىڭ جاڭاشا جۇيەسى تۋىنداعان شاقتا قىزمەت ەتتى, جاڭاشا تاسىلدەر مەن وقۋ ادىستەرىن ەنگىزىپ, وقۋشىلارىنىڭ جانە ارىپتەستەرىنىڭ تۇراقتى وزىندىك جەتىلۋىنە, دەربەس دامۋىنا قولداۋ تانىتا ءبىلدى. جاس ماماندارعا ەرەكشە قولداۋ كورسەتتى, بىلىكتىلىگىن ارتتىرۋعا, شەتەلدە تاجىريبە الماسۋعا ستۋدەنتتەرگە سونداي-اق, وقىتۋشىلارعا قولىنان كەلگەنشە قامقور بولا ءبىلدى. اكىمشىلىك جۇمىسباستىلىققا قاراماستان, ەرجان بايعوجا ۇلى ستۋدەنتتەرگە ارناپ, قازاق, ورىس, اعىلشىن تىلدەرىندە كانىگى عىلىمي جۇمىستار, مونوگرافيالار, وقۋ جانە ادىستەمەلىك قۇرالدار جازدى.
ەرەكشە دارىندى ۇيىمداستىرۋشىلىق قابىلەتىنە, ۇلكەن تاجىريبەلىك قىزمەتىنە, جيناقتالعان وي قازىناسىنا وراي ەرجان بايعوجا ۇلى جوعارى كاسىبيلىكتى مامانداردى جانە عىلىمي قىزمەتكەرلەردى ەكونوميكا سالاسىنا دايىندادى, ونىڭ باسشىلىعىمەن, ەكونوميكا عىلىمى بويىنشا 40 كانديداتتىق جانە دوكتورلىق ديسسەرتاتسيا, ءۇش PhD (فيلوسوفيا دوكتورى) دوكتورلىق ديسسەرتاتسياسى قورعالدى.
ەرجان بايعوجا ۇلى ءبىزدىڭ جۇرەگىمىزگە ءۇمىت ۇشقىنىن ۇيالاتا ءبىلدى. ءبىز ونىڭ شاكىرتتەرىمىز, ءبىز ءۇشىن بۇل اسقان باقىت. قازاقستاننىڭ زيالى ۇرپاعىن قالىپتاستىرۋدا, ەندى ءبىز ول كىسىمەن بىرگە ءبىلىم باسپالداعىمەن بىرگە كوتەرىلىپ, سانانىڭ ساتىسىنان شىڭعا باستار جولدا بىرگە جەتىلىپ كەلەمىز.
وسى جىلى ءبىزدىڭ قۇرمەتتى دە سۇيىكتى ۇستازىمىز جەتپىستىڭ بيىگىن ەڭسەردى. ەرجان بايعوجا ۇلىنا كوپتەگەن ىستىق ىقىلاس پەن العىس ايتقىمىز كەلەدى, دەنساۋلىق, باقىت, شىعارماشىلىق كۇش-جىگەر, ءجۇرەكتىڭ جاستىعىن تىلەگىمىز كەلەدى.
راۋشان دۋلامباەۆا,
ەكونوميكا عىلىمدارىنىڭ دوكتورى, پروفەسسور.
ءىلياس قۇليەۆ,
دوتسەنت.
الماتى.