بۇل تۋرالى ءىىم-ءنىڭ رەسمي وكىلى ءنۇردىلدا وراز ءداستۇرلى بريفينگ بارىسىندا ايتتى, دەپ جازادى Egemen.kz.
«7 كۇنگە سوزىلعان «قۇقىقتىق ءتارتىپ» الدىن الۋ ءىس-شاراسى اياقتالدى. ول قوعامدىق ورىندار مەن كوشەلەردەگى قۇقىقبۇزۋشىلىقتىڭ الدىن الۋعا باعىتتالعان. شارا اياسىندا پوليتسيا قىزمەتكەرلەرى ءىزىن سۋىتپاي 2 330 قىلمىس پەن وسىعان دەيىن جاسالعان 584 قىلمىستى انىقتادى. ىزدەۋدە بولعان 150 قىلمىسكەر ۇستالدى», دەدى ول.
سونىمەن بىرگە شارا اياسىندا تىيىم سالىنعان زاتتاردى زاڭسىز اينالدىرۋ بويىنشا جەكە جەدەل ىزدەستىرۋ ارەكەتى جۇزەگە اسىرىلدى.
«وعان ەسىرتكى زاتتارى مەن زاڭسىز قارۋلاردى ساقتاۋ جاتادى. ونىڭ قورىتىندىسى بويىنشا گاز, وتكىر, تراۆماتيكالىق 109 قارۋ تابىلدى. 210 دەرەك ەسىرتكى ساقتاۋ بويىنشا تىركەلدى. 89 مىڭ اكىمشىلىك-قۇقىقبۇزۋشىلىق انىقتالىپ, 9 مىڭ دەرەك تارتىپسىزدىك بويىنشا, 13,5 مىڭ دەرەك ماس كۇيىندە قوعامدىق ورىندارعا شىعۋ بويىنشا انىقتالدى», دەدى ول.