اق ۇلپا قار جامبىل ءوڭىرىن ءاپ-ساتتە باستى دا قالدى. اققانات قار حالىقتىڭ جارقىن بولاشاققا, ءماڭگىلىك ەلگە دەگەن اقباستاۋ ارمانىنداي قالىقتاپ, تولاسسىز جاۋىپ بەردى دەيسىڭ ءبىر. «دوستىق» الاڭىنا جينالعان قاۋىمنىڭ جۇزدەرى دە جىلى, كوڭىلدەرى دە سەرگەك. ولار ەلباسى جولداۋىنىڭ ماڭىزى مەن ءمانىن ءتۇسىندىرىپ, ناسيحاتتاۋ ءۇشىن اۆتوكەرۋەنمەن وبلىستىڭ تۇكپىر-تۇكپىرىنە اتتانباق.
اق ۇلپا قار جامبىل ءوڭىرىن ءاپ-ساتتە باستى دا قالدى. اققانات قار حالىقتىڭ جارقىن بولاشاققا, ءماڭگىلىك ەلگە دەگەن اقباستاۋ ارمانىنداي قالىقتاپ, تولاسسىز جاۋىپ بەردى دەيسىڭ ءبىر. «دوستىق» الاڭىنا جينالعان قاۋىمنىڭ جۇزدەرى دە جىلى, كوڭىلدەرى دە سەرگەك. ولار ەلباسى جولداۋىنىڭ ماڭىزى مەن ءمانىن ءتۇسىندىرىپ, ناسيحاتتاۋ ءۇشىن اۆتوكەرۋەنمەن وبلىستىڭ تۇكپىر-تۇكپىرىنە اتتانباق.
ەلمەن ءاۋ باستان-اق ەتەنە ارالاسىپ جۇرەتىن وبلىس اكىمى كارىم كوكىرەكباەۆ تا ادەتتەگىسىنشە كوڭىلدى. العاشقى ءسوزدى دە ءوزى باستادى.
– ۇلى دالانى ەمىن-ەركىن مەكەندەگەن حالقىمىز تاۋەلسىز ەل ءداۋىرىنىڭ جاڭا دامۋ كەزەڭىنە اياق باسىپ وتىر. ەلىن – العا, ۇلتىن – مۇراتقا جەتەلەگەن ەلباسى نۇرسۇلتان نازارباەۆ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىن جاريا ەتتى. الدىمىزعا جاڭا مىندەتتەر, جاڭا مۇراتتار, جاڭا مۇمكىندىكتەر قويدى. مەملەكەت باسشىسى «ماڭگىلىك ەل» بولۋ ۇلتتىق يدەياسىن ۇسىندى. ول – «ماڭگىلىك قازاقستان جوباسى». بۇل – بابالار اڭساعان جول. بۇل – ماقساتقا جەتۋدىڭ باتىل باعىتىن نۇسقاعان تاريحي قۇجات. بۇل تاريحي قۇجاتتىڭ ءاربىر ءسوزى ەلىمىز ءۇشىن دە, ءاربىر قازاقستاندىق وتباسى ءۇشىن دە جاڭا دامۋ جولدارىن اشىپ بەردى, – دەدى ءوڭىر باسشىسى.
مىنە, پارتيا مۇشەلەرى جۇمىلىپ, جاڭا باستاما كوتەرۋدە. «ەلباسى جولداۋى – بولاشاققا باستار جول!» اتتى اۆتوكەرۋەن ناسيحات ساپارىمەن اۋىلدارعا اتتانعالى وتىر. ونىڭ قۇرامىندا اۋليەاتا ءوڭىرىنىڭ اسىل ازاماتتارى – ەل اعالارى, عالىمدار مەن زيالى قاۋىم وكىلدەرى, ونەر تارلاندارى مەن داڭقتى سپورتشىلار بار. ولار ساياسي قۇجاتتىڭ ءمانى مەن ماڭىزىن ەلگە جەتكىزەتىن, ءاربىر وتباسىنا اپاراتىن العاشقى قارلىعاشتار بولىپ تابىلادى. «بۇل سىزدەرگە جۇكتەلگەن زور سەنىم, اسقار مىندەت!», دەدى وبلىس اكىمى.
ك.كوكىرەكباەۆ «نۇر وتان» پارتياسىنىڭ اياسىندا ساپارعا شىققالى وتىرعان اۆتوكەرۋەنگە اق جول تىلەدى.
اقپاراتتىق-ناسيحاتتىق توپ ءمۇشەلەرى كوپ ۇزاماي جۋالى, مەركى, شۋ جانە باسقا دا باعىتتارعا جولعا شىقتى.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
–––––––––––––––––
سۋرەتتەردە: وبلىس اكىمى كارىم كوكىرەكباەۆ; اقپاراتتىق-ناسيحاتتىق توپ مۇشەلەرى.