«مەملەكەتتىك ينۆەستيتسيالىق جوبالار» ءمودۋلى ىسكە اسىرىلادى

2021-2022 جىلدارعا ارنالعان بيۋدجەت كىرىستەرىن ۇلعايتۋ ءۇشىن بىرنەشە شارا جوسپارلاندى. اتاپ ايتقاندا, مەملەكەت شەكاراسىنداعى كولەڭكەلى ەكونوميكاعا جانە زاڭسىز ساۋدا اينالىمىنا قارسى ءىس-قيمىل جونىندەگى ءىس-شارالار جوسپارىن ىسكە اسىرۋ, تاۋارلاردى قاداعالاۋدىڭ ۇلتتىق جۇيەسىن جەتىلدىرۋ, تسيفرلىق شەشىمدەردى ەنگىزە وتىرىپ, كەدەن ينفراقۇرىلىمىن جاڭعىرتۋ,ء ىرى بيزنەستىڭ كولدەنەڭ مونيتورينگى بويىنشا پيلوتتى كەڭەيتۋ, شەتەلدىك سالىق اكىمشىلىكتەرىمەن ءوزارا ءىس-قيمىلدى كۇشەيتۋ جانە ترانسفەرتتىك باعا بەلگىلەۋ تۋرالى زاڭنامانى جەتىلدىرۋ, ميكرو جانە شاعىن بيزنەستىڭ جوسىقسىز سۋبەكتىلەرى بويىنشا تەكسەرۋلەر جۇرگىزۋگە ءموراتوريدىڭ كۇشىن جويۋ ماسەلەسىن قاراۋ.

مەملەكەتتىك جانە كۆازيمەملەكەتتىك بورىشتى باسقارۋ جونىندەگى تۇجىرىمدامانى ازىرلەۋ تۋرالى تاپسىرما شەڭبەرىندە ءىس-شارالار مەملەكەتتىك ورگاندار جۇرگىزىپ جاتقان جۇمىستى ەسكەرە وتىرىپ ۇيلەستىرىلەتىن بولادى.

تۇجىرىمدامانىڭ نەگىزگى تاسىلدەرى رەتىندە مەملەكەتتىك بورىشتىڭ ءوسۋىن شەكتەۋ جانە ونى قاۋىپسىز دەڭگەيدە ۇستاپ تۇرۋ ءۇشىن بيۋدجەت تاپشىلىعىن كەزەڭ-كەزەڭىمەن تومەندەتۋ, بورىش تۇراقتىلىعىنىڭ نەگىزگى كورسەتكىشتەرىن بەلگىلەۋ, بارىنشا ەكونوميكالىق تيىمدىلىككە قول جەتكىزۋ ءۇشىن جوبالاردى ەگجەي-تەگجەيلى ىرىكتەۋ اتاپ ءوتىلدى.

مينيسترلىك جەكەشەلەندىرۋدىڭ 2021-2025 جىلدارعا ارنالعان كەشەندى جوسپارىنىڭ ۋاقىتىلى ورىندالۋىنا باقىلاۋدى كۇشەيتتى. ول ءۇشىن وبەكتىلەردى وتكىزۋ تاسىلدەرى ازىرلەندى. وعان سايكەس وبەكتىلەردىڭ 50%-ى بيىل, 30%-ى 2022 جىلى جانە 10%-ى 2023 جانە 2024 جىلدارى ساتۋعا قويىلۋى ءتيىس.

بۇدان باسقا, كەشەندى جوسپاردىڭ ءاربىر وبەكتىسى بويىنشا وتكىزۋ جول كارتالارى ازىرلەندى جانە مەملەكەتتىك م ۇلىك تىزىلىمىنە ەنگىزىلدى.ء وز كەزەگىندە, جەكەشەلەندىرۋ جوسپارىنىڭ ىسكە اسىرىلۋىنا جاۋاپكەرشىلىكتى كۇشەيتۋ ماقساتىندا, اكىمدىكتەردىڭ, ۇلتتىق باسقارۋشى حولدينگتەر مەن كومپانيالاردىڭ قىزمەتىن باعالاۋ كەزىندە ونىڭ ورىندالۋىن ەسكەرۋ ۇسىنىلادى. جالپى, ۇسىنىلىپ وتىرعان شارالار 2025 جىلدىڭ سوڭىنا قاراي مەملەكەتتىڭ ەكونوميكاعا قاتىسۋ ۇلەسىن جالپى ىشكى ءونىمنىڭ 14%-نا دەيىن قىسقارتۋعا مۇمكىندىك بەرەدى.

«سونىمەن قاتار كۆازيمەملەكەتتىك سەكتور كومپانيالارىنىڭ ءبىرىنشى باسشىلارىنىڭ جاۋاپكەرشىلىگىن نورماتيۆتىك تۇرعىدان قاراستىرۋ ۇسىنىلادى. جاۋاپكەرشىلىك دامۋ جوسپارلارىندا ستراتەگيالىق كورسەتكىشتەرگە قول جەتكىزبەگەنى ءۇشىن, ونىڭ ىشىندە كۆازيمەملەكەتتىك كومپانيالاردىڭ شىعىنعا ۇشىراۋىنا جول بەرگەنى ءۇشىن قاراستىرىلاتىن بولادى», دەدى قارجى ءمينيسترى.

مەملەكەتتىك جوسپارلاۋدىڭ اقپاراتتىق جۇيەسىن دامىتۋ جۇمىسى جالعاسادى. جوبا شەڭبەرىندە «مەملەكەتتىك ينۆەستيتسيالىق جوبالار» ءمودۋلى ىسكە اسىرىلادى, ول مەملەكەتتىك ينۆەستيتسيالىق جوبالاردىڭ قۇجاتتاماسىن قالىپتاستىرۋعا جانە مەملەكەتتىك ورگاندارمەن كەلىسۋگە ارنالعان.

مەملەكەتتىك ساتىپ الۋ جوسپارلارىن اۆتوماتتى تۇردە قالىپتاستىرۋ ءۇشىن مەملەكەتتىك جوسپارلاۋدىڭ اقپاراتتىق جۇيەسىن مەملەكەتتىك ساتىپ الۋ پورتالىمەن ينتەگراتسيالاۋ ىسكە اسىرىلاتىن بولادى.

بۇدان باسقا, مەملەكەتتىك ساتىپ الۋدىڭ دەرەكتەرى بويىنشا تومەن باعالاردى انىقتاۋ جانە شىعىندار نورماتيۆتەرىنىڭ انىقتامالىعىن وتكىزۋ جوسپارلانۋدا. وسى دەرەكتەردىڭ نەگىزىندە جۇيەدە فورماتتىق-لوگيكالىق باقىلاۋدى ورناتۋ جوسپارلانۋدا.

بيۋدجەت باعدارلامالارىنىڭ اكىمشىلەرى بيۋدجەت قاراجاتىن ءتيىمدى جوسپارلاۋى مەن پايدالانۋى ءۇشىن «مەملەكەتتىك قولداۋ شارالارى تيىمدىلىگىنىڭ مونيتورينگى» جۇيەسىنىڭ ناتيجەلەرىن پايدالانۋى قاجەت.

قارجى مينيسترلىگىندە مەملەكەتتىك شىعىستاردىڭ كولەمى مەن تيىمدىلىگىن باقىلاۋدىڭ نەعۇرلىم پارمەندى تەتىكتەرىنىڭ ءبىرى جەدەل بيۋدجەتتىك مونيتورينگتى قامتاماسىز ەتۋ دەپ تۇجىرىمدايدى. ول ستراتەگيالىق جانە باعدارلامالىق قۇجاتتاردا كوزدەلگەن تىكەلەي جانە تۇپكىلىكتى ناتيجەگە قول جەتكىزۋگە باعىتتالعان. بۇل بۇزۋشىلىقتارعا جول بەرمەۋمەن قوسا باسقارۋشىلىق شەشىمدەردى ۋاقىتىلى قابىلداۋعا مۇمكىندىك بەرەدى.

«حالىقتىڭ مەملەكەتتىك قارجىنى باسقارۋ مەن باقىلاۋعا قاتىسۋىن كەڭەيتۋ ءۇشىن نورماتيۆتىك قۇقىقتىق اكتىلەرگە ءتيىستى تۇزەتۋلەر ەنگىزىلەتىن بولادى. بۇل اباتتاندىرۋ جانە تۇرعىن ءۇي-كوممۋنالدىق شارۋاشىلىق بيۋدجەتىندەگى «حالىقتىڭ قاتىسۋ» ۇلەسىن 10 ەسەگە ارتتىرۋعا مۇمكىندىك بەرەدى», دەدى ە. جاماۋباەۆ.

ء«وز كەزەگىندە, حالىقتى بيۋدجەتتىك شەشىمدەر قابىلداۋ پروتسەسىنە تارتۋ پروتسەستىڭ اشىقتىعىن قامتاماسىز ەتەدى, ازاماتتاردىڭ جەرگىلىكتى بيلىككە سەنىمىن نىعايتادى, حالىقتىڭ قارجىلىق ساۋاتتىلىعىن ارتتىرادى, ينفراقۇرىلىم وبەكتىلەرىنىڭ ساپاسى مەن ۇقىپتى پايدالانىلۋى ءۇشىن ورتاق جاۋاپكەرشىلىكتى قامتاماسىز ەتەدى», دەپ جازادى پرەمەر-ءمينيستردىڭ ءباسپاسوز قىزمەتى.

پرەزيدەنت جولداۋىنىڭ ءىس-شارالارىن ىسكە اسىرۋعا ارنالعان قاجەتتى قاراجاتتار بيۋدجەتتىك باعدارلامالار اكىمشىلەرىمەن بىرلەسىپ پىسىقتالاتىن بولادى.