قازاقستان رەسپۋبليكاسى تاۋەلسىزدىگىنىڭ 30 جىلدىعى مەن سەمەي يادرولىق پوليگونى جابىلۋىنىڭ 30 جىلدىعىنا ارنالعان ءىس-شارالار اياسىندا وماننىڭ استاناسىندا «حالىقارالىق قوعامداستىق مويىنداعان قازاقستان» تاقىرىبىنداعى فوتوكورمە ءوز ەسىگىن اشتى, دەپ جازادى Egemen.kz.
كورمەدە قازاقستان جانە ەلىمىزدىڭ عىلىمي-تەحنيكالىق جەتىستىكتەرى تۋرالى فوتو جانە بەينە ماتەريالدار, سونداي-اق سەمەي يادرولىق پوليگونىنداعى يادرولىق سىناقتارى سۋرەتتەرىنىڭ ەكسپوزيتسيالارى ۇسىنىلعان.
شارانىڭ العاشقى قوناقتارى جەرگىلىكتى باق پەن ماسقاتتا اككرەديتتەلگەن ديپلوماتيالىق كورپۋس وكىلدەرى بولدى.
ء«ىس-شارانىڭ اشىلۋ سالتاناتىندا ەلشى ناجمەدين مۇحامەتالى ۇلى قازاقستاننىڭ تاۋەلسىزدىك جىلدارىنداعى نەگىزگى جەتىستىكتەرى, وزەكتى ساياسي جانە ەكونوميكالىق رەفورمالارى تۋرالى ايتىپ بەردى. سونىمەن قاتار, ءىس-شارا ماقساتتارىنىڭ ءبىرى – يادرولىق سىناقتاردىڭ سالدارى جانە قر تۇڭعىش پرەزيدەنتى – ەلباسى نۇرسۇلتان نازارباەۆتىڭ پوليگوندى جابۋ تۋرالى قابىلداعان شەشىمىنىڭ ماڭىزدىلىعى تۋرالى جەرگىلىكتى قوعامدى حاباردار ەتۋ بولىپ تابىلاتىنىن ەرەكشە اتاپ ءوتتى», دەپ جازادى Egemen.kz.
ءىس-شارا قوناقتارى سەمەي يادرولىق پوليگونى جابىلۋىنىڭ تاريحي ماڭىزىنا توقتالىپ, قازاقستاننىڭ بۇل باستاماسى حالىقارالىق قوعامداستىقتىڭ مويىنداۋىنا يە بولعانىن اتاپ ءوتتى.