رەسەي پرەزيدەنتى ۆلاديمير پۋتين ءۇندىستان پرەمەر-ءمينيسترى نارەندرا موديمەن اۋعانستانداعى جاعدايدى تالقىلادى, دەپ حابارلايدى Egemen.kz.
كرەملدىڭ حابارلاۋىنشا, اۋعانستانداعى جاعداي بويىنشا پىكىر الماسۋ كەزىندە تاراپتار وسى ەلدە بەيبىتشىلىك پەن تۇراقتىلىقتى ورناتۋعا جانە ايماقتاعى قاۋىپسىزدىكتى قامتاماسىز ەتۋگە كومەكتەسۋ ءۇشىن بىرلەسكەن كۇش-جىگەردىڭ ماڭىزىنا توقتالعان.
«ولار تەرروريستىك يدەولوگيانىڭ تارالۋىنا جانە اۋعانستان اۋماعىنان شىعاتىن ەسىرتكى قاۋپىنە قارسى تۇرۋدا ىنتىماقتاستىقتى نىعايتۋعا ءوز كوزقاراستارىن ءبىلدىردى. بۇل ماسەلە بويىنشا تۇراقتى كونسۋلتاتسيالاردىڭ ەكىجاقتى ارناسىن قۇرۋ تۋرالى كەلىسىم جاسالدى», دەلىنگەن حابارلامادا.
تاراپتار رەسەي مەن ءۇندىستان اراسىنداعى ەكىجاقتى قارىم-قاتىناستى جانە كوروناۆيرۋس (COVID-19) پاندەمياسىنا قارسى كۇرەس ماسەلەلەرىن دە تالقىلادى.