قازىرگى كەزدە جەكەلەگەن مەكەمەلەر مەملەكەتتىك ساتىپ الۋ زاڭىنان شيكىلىك جىبەرىپ جاتادى. قىزىلوردا وبلىسى جاڭاقورعان اۋداندىق پروكۋراتۋراسى 2013 جىلى بۇعان قاتىستى تەكسەرۋ جۇرگىزىپ, 13 زاڭ بۇزۋشىلىق انىقتادى. وسىنىڭ نەگىزىندە 14 مەملەكەتتىك قىزمەتكەردى تارتىپتىك جاۋاپكەرشىلىككە تارتۋ تۋرالى ماسەلە قوزعالدى.
اۋدانداعى وزگەنت اۋىلدىق وكرۋگى اكىمىنىڭ اپپاراتى وتكەن جىلى ۇسەن اتا, دوسان اتا, راحمانوۆ, ي. ابدىكارىموۆ, ا. قۇنانباەۆ, س. سەيفۋللين جانە م.جۇماباەۆ كوشەلەرىنە ورتاشا جوندەۋ جۇمىستارىن جۇرگىزۋ ءۇشىن مەملەكەتتىك ساتىپ الۋ ۆەب-پورتالىنا حابارلاندىرۋ جاريالاعان. كونكۋرسقا قاتىسۋعا «اقجول», «نۇر-ستروي لتد» جانە «شيەلى جولشى» جاۋاپكەرشىلىگى شەكتەۋلى سەرىكتەستەرى ءوتىنىم بەرىپتى. بۇل جەردە اتالعان سەرىكتەستەر تالاپقا سايكەس سالىق بەرەشەگى, مىندەتتى زەينەتاقى جارنالارى مەن الەۋمەتتىك اۋدارىمدارى تۋرالى مالىمەتتى بەلگىلەنگەن مەرزىمدە تاپسىرۋى قاجەت. وسىنداي نەگىزگى مىندەتتى ءوز دارەجەسىندە ورىنداي الماعان «اقجول» مەن «نۇر-ستروي لتد» جاۋاپكەرشىلىگى شەكتەۋلى سەرىكتەستەرى كونكۋرسقا جىبەرىلمەدى. وسىدان كەيىن جوعارىدا اتالعان اكىمدىك ءبىر كوزدەن ساتىپ الۋ تاسىلىمەن «شيەلى جولشى» سەرىكتەستىگىن جوندەۋ جۇمىستارىنا قاتىستىرۋدى ۇيعارىپ, وعان بولىنەتىن قارجى كولەمىن 46 106 390 تەڭگەگە باعالاۋ ارقىلى شارت جاساسادى.
ەندى ماسەلەنىڭ باسىن اشىپ الۋ ءۇشىن مىناعان نازار اۋدارعىمىز كەلەدى. مەملەكەتتىك ساتىپ الۋ تۋرالى زاڭنىڭ 40-بابىنىڭ 1-تارماعىندا كورسەتىلگەندەي, مەملەكەتتىك ساتىپ الۋ تۋرالى شارت وعان تاپسىرىس بەرۋشى مەن ءونىم بەرۋشى قول قويعاننان كەيىن نە كونكۋرستىق قۇجاتتامادا كوزدەلگەن شارتتىڭ ورىندالۋىن قامتاماسىز ەتۋدى ءونىم بەرۋشى تولىق ەنگىزگەننەن كەيىن كۇشىنە ەنەتىندىگى بەلگىلى.وسى نەگىز بويىنشا مەردىگەر شارتتىڭ 66-تارماعىندا كورسەتىلگەن بارلىق جۇمىستار اياقتالعاننان كەيىن, تاپسىرىس بەرۋشىگە جۇمىستاردىڭ اياقتالعانى تۋرالى حابارلاما جىبەرۋى ءتيىس. ال تاپسىرىس بەرۋشى جەتى كۇن مەرزىمنەن كەشىكتىرمەي جۇمىستاردىڭ اياقتالۋىن باعالاۋ جونىندەگى كوميسسيا قۇرامىن تاعايىندايدى. سونىمەن بىرگە, جۇمىسشى كوميسسياسى كەمشىلىكتەردىڭ تىزبەسىن جاساپ شىعىپ, ونى جويۋ مەرزىمىن نىساندى تاپسىرۋ كۇنىنەن كەشەۋىلدەتپەۋى قاجەت. ەگەر مەردىگەر شارتتا كورسەتىلگەن مەرزىمدە جۇمىستى اياقتاماسا, تاپسىرىس بەرۋشى ءاربىر مەرزىمى وتكەن كۇنگە 0,1 پايىز سوماسىندا تۇراقسىزدىق ايىبىن ەسەپتەپ شىعارادى. جالپى, بۇل تالاپتى كەيبىر مەكەمەدەگى ءوندىرىس سالاسىنا جاۋاپتى قىزمەتكەرلەر بىلە بەرمەيدى. بۇگىنگى كۇننىڭ ەڭ باستى ماسەلەسى دە وسى بولىپ تۇر. سونىڭ ءبىر شالاعاي كورىنىسى جوعارىدا ءبىز اتاپ وتكەن وزگەنت اۋىلدىق وكرۋگى اكىمدىگىندە ورىن الدى.
2013 جىلدىڭ 16 قازانىندا «شيەلى جولشى» جشس وزگەنت اۋىلدىق وكرۋگى اكىمدىگىنە وزدەرىنە جۇكتەلگەن جۇمىستى اياقتاعانىن, ونىڭ ساپاسىن تەكسەرۋ ءۇشىن ارنايى كوميسسيا قۇرامىن بەكىتۋ قاجەتتىگىن مالىمدەگەن. وسىعان بايلانىستى جاساقتالعان كوميسسيا توراعالىعىنا جەرگىلىكتى اكىمدىكتىڭ باس مامانى ت.كوركەمباەۆ, ال ونىڭ مۇشەلەرى بولىپ اۋداندىق ساۋلەت جانە قالا قۇرىلىسى ءبولىمىنىڭ باس مامانى ا.ۇسكەنباەۆ, «ادىلبەك جانە كومپانيا» تولىق سەرىكتەستىگىنىڭ ديرەكتورى ا.تاسبولاتوۆ, اۋداندىق سانيتارلىق-ەپيدەميولوگيالىق قاداعالاۋ باسقارماسى باسشىسىنىڭ ورىنباسارى ا.تۇرعانباەۆ, اۋداندىق جۇمىسپەن قامتۋ ورتالىعىنىڭ الەۋمەتتىك مامانى ب.بالابەكوۆ, جەكە كاسىپكەر ە.قابىلباەۆ جانە «شيەلى جولشى» جشس ديرەكتورى ا.ابدۋللاەۆ بەكىتىلگەن.
الايدا, وسى قۇرامداعى جەكەلەگەن ازاماتتاردىڭ اتقارىلعان جۇمىستى باعالاۋعا قاتىسپاعانى ءمالىم بولدى. بۇعان قوسا, سەرىكتەستىك كەيبىر كەمشىلىكتەردى قالپىنا كەلتىرۋگە اسىقپاعان. وسى ولقىلىققا بايلانىستى 1106 544 تەڭگە ءوسىمپۇل ءوندىرۋ ماسەلەسى دە نازاردان قاعىس قالدى. مۇنداي ورەسكەل قاتەلىككە قاتىستى «سىبايلاس جەمقورلىققا قارسى كۇرەس تۋرالى» زاڭىنىڭ 12-بابى 1-تارماعىنىڭ 4-تارماقشاسىندا شەشiمدەر ازiرلەۋ مەن قابىلداۋ كەزiندە زاڭدى جانە جەكە تۇلعالارعا زاڭسىز ارتىقشىلىق كورسەتۋ, سونداي-اق, وسى زاڭنىڭ 5-تارماقشاسىندا كiمگە بولسا دا تابىس الۋعا بايلانىستى كاسiپكەرلiك جانە وزگە دە قىزمەتتi جۇزەگە اسىرۋدا زاڭداردا كوزدەلمەگەن كەز كەلگەن جاردەم كورسەتۋ ارەكەتتەرi سىبايلاس جەمقورلىققا جاعداي تۋعىزاتىن قۇقىق بۇزۋشىلىق بولىپ تابىلاتىندىعى ايتىلعان .بۇل رەتتە وزگەنت اۋىلدىق وكرۋگى اكىمىنىڭ اتىنا زاڭ بۇزۋشىلىقتاردى جويۋ جونىندە ۇسىنىس ەنگىزىلىپ, كەمشىلىككە جول بەرگەن ءبىر قىزمەتكەردى تارتىپتىك جاۋاپكەرشىلىككە تارتۋ ماسەلەسى قاراستىرىلدى.
نۇرجان ايەكەنوۆ,
قىزىلوردا وبلىسى جاڭاقورعان اۋدانى پروكۋرورىنىڭ كومەكشىسى.