كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ يران يسلام رەسپۋبليكاسى سىرتقى ىستەر مينيسترلىگىنىڭ رەسمي وكىلى – سىرتقى ىستەر ءمينيسترىنىڭ ارناۋلى كومەكشىسى رامين ماحمانپاراستى قابىلدادى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋ بارىسىندا قازاقستان-يران ەكىجاقتى قارىم-قاتىناستارىن, ونىڭ ىشىندە پارلامەنتارالىق ىنتىماقتاستىقتى دامىتۋ ماسەلەلەرى جايىندا پىكىر الماسىلدى.
تاراپتار سونداي-اق پارلامەنتارالىق ءوزارا ءىس-قيمىلدى دامىتۋ ساياسي بايلانىستاردى جيىلەتۋگە, ەكونوميكالىق سالا مەن گۋمانيتارلىق بايلانىستارداعى تابىستى ىنتىماقتاستىقتى كەڭەيتۋگە جاردەمدەسەتىنىن اتاپ ءوتتى.
يران ءماجىلىسىنىڭ توراعاسى الي ءلاريدجانيدىڭ يرانعا رەسمي ساپارمەن كەلۋگە شاقىرۋىنا وراي سەنات توراعاسى يران جاعىنا العىس ايتتى.
رامين مەحمانپاراست ۇستىمىزدەگى جىلعى 17-18 ساۋىردە يادرولىق قارۋسىزدانۋ تۋرالى تەھران كونفەرەنتسياسىنىڭ ناتيجەلەرى تۋرالى قاسىم-جومارت توقاەۆتى حاباردار ەتتى.
ق.توقاەۆ ء“ار مەملەكەتتىڭ حالىقارالىق زاڭدار اياسىندا جانە ماگاتە باقىلاۋىمەن ءوزىنىڭ يادرولىق باعدارلاماسىن دامىتۋداعى” قۇقىقتارى جايىندا ايتتى. توراعانىڭ ايتۋىنشا, ايماقتىق جانە حالىقارالىق قاۋىپسىزدىكتى قالىپتاستىرۋدا يراننىڭ نەگىزدى ماڭىزدى ءرولى بار.
ر.مەحمانپاراست ستراتەگيالىق قارۋلاردى تاراتپاۋداعى نەگىزگى ماسەلەلەردى شەشۋدەگى قازاقستان باستامالارىن جوعارى باعالادى جانە ايماقتىق قاۋىپسىزدىكتى قامتاماسىز ەتۋدەگى ءبىزدىڭ ەلىمىزدىڭ ماڭىزدى ءرولىن اتاپ ءوتتى.