تۇركىستان وبلىسىنىڭ پوليتسەيلەرى ءۇيىنىڭ اۋلاسىنا ەسىرتكى ەككەن تۇرعىندى ۇستادى, دەپ حابارلايدى Egemen.kz سوزاق اۋدانى پوليتسيا باسقارماسىنىڭ رەسمي سايتىنا سىلتەمە جاساپ.
سوزاق اپب-عا كپب-نىڭ جەدەل ۋاكىلى قانات ناجىمەتديننەن بايانات تۇسكەن. ءتارتىپ ساقشىلارى اتالعان جايتتى سدتبت-عا قر قك-ءنىڭ 300-بابى (قۇرامىندا ەسiرتكi زاتتار بار, وسiرۋگە تىيىم سالىنعان وسiمدiكتەردi زاڭسىز ەگىپ-ءوسىرۋ) بويىنشا تىركەلىپ, سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزدى. حابار الىسىمەن پوليتسەيلەر بىردەن جەدەل-ىزدەستىرۋ شاراسىنا كىرىستى. وسىلايشا, اقپارات كوزدەرى ارقىلى كۇدىكتى تۇرعىننىڭ جەكە-باسى مەن مەكەنجايى انىقتالدى.
پوليتسيا قىزمەتكەرلەرى كۇدىكتىنىڭ ءۇيىنىڭ اۋلاسىن تەكسەرۋ بارىسىندا ەگىلىپ, باپتالعان التى ءتۇپ ەسىرتكى زاتى انىقتالدى. ايعاقتى زات رەتىندە الىنعان وسىمدىككە سوت-ساراپتامالىق زەرتتەۋ تاعايىندالدى. ساراپتاما ناتيجەسىمەن الىنعان ءتۇپ «سورا» ەسىرتكى ەكەنى بەلگىلى بولدى. قازىرگى تاڭدا سوتقا دەيىنگى تەرگەۋ امالدارى جۇرگىزىلۋدە.