2013 جىلعى 31 جەلتوقسان استانا ۇكىمەت ءۇيى
توتەنشە جاعداي كەزىندە بايلانىس وپەراتورلارىنىڭ بايلانىس جەلىلەرى مەن قۇرالدارىن بەرۋ قاعيدالارىن بەكىتۋ تۋرالى
2013 جىلعى 31 جەلتوقسان استانا ۇكىمەت ءۇيى
توتەنشە جاعداي كەزىندە بايلانىس وپەراتورلارىنىڭ بايلانىس جەلىلەرى مەن قۇرالدارىن بەرۋ قاعيدالارىن بەكىتۋ تۋرالى
«توتەنشە جاعداي تۋرالى» 2003 جىلعى 8 اقپانداعى قازاقستان رەسپۋبليكاسىنىڭ زاڭى 14-1-بابىنىڭ 2-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان توتەنشە جاعداي كەزىندە بايلانىس وپەراتورلارىنىڭ بايلانىس جەلىلەرى مەن قۇرالدارىن بەرۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 31 جەلتوقسانداعى №1489 قاۋلىسىمەن بەكىتىلگەن
توتەنشە جاعداي كەزىندە بايلانىس وپەراتورلارىنىڭ بايلانىس جەلىلەرى مەن قۇرالدارىن بەرۋ قاعيدالارى
1. جالپى ەرەجەلەر
1. وسى توتەنشە جاعداي كەزىندە بايلانىس وپەراتورلارىنىڭ بايلانىس جەلىلەرى مەن قۇرالدارىن بەرۋ قاعيدالارى «توتەنشە جاعداي تۋرالى» 2003 جىلعى 8 اقپانداعى قازاقستان رەسپۋبليكاسىنىڭ زاڭى 14-1-بابىنىڭ 2-تارماعىنا سايكەس ازىرلەندى جانە توتەنشە جاعداي كەزىندە بايلانىس جەلىلەرى مەن قۇرالدارىن پايدالانۋ كەزىندە بايلانىس وپەراتورلارىنىڭ بايلانىس جەلىلەرى مەن قۇرالدارىن بەرۋ ءتارتىبىن ايقىندايدى.
2. توتەنشە جاعداي كەزىندە قازاقستان رەسپۋبليكاسىنىڭ پرەزيدەنتى قۇراتىن مەملەكەتتىك ورگاندارعا جانە ارنايى مەملەكەتتىك باسقارۋ ورگاندارىنا ۇكىمەتتىك بايلانىستى, سونداي-اق ىشكى ىستەر ورگاندارىنىڭ, ۇلتتىق قاۋىپسىزدىك, اسكەري باسقارۋ ورگاندارىنىڭ جانە توتەنشە جاعدايلار سالاسىنداعى ۋاكىلەتتى ورگاننىڭ بايلانىس جەلىلەرى مەن قۇرالدارىن قوسپاعاندا, بايلانىس جەلىلەرى مەن قۇرالدارىن باسىم پايدالانۋ جانە توقتاتۋ, سونداي-اق توقتاتا تۇرۋ مۇمكىندىگى ۇسىنىلادى.
2. توتەنشە جاعداي كەزىندە بايلانىس وپەراتورلارىنىڭ بايلانىس جەلىلەرى مەن قۇرالدارىن بەرۋ ءتارتىبى
3. بايلانىس جەلىلەرى مەن قۇرالدارىن باسىم پايدالانۋ توتەنشە جاعداي سالدارىن جويۋ جونىندەگى كەزەك كۇتتىرمەيتىن شارالاردى قابىلداۋ, توتەنشە جاعداي كەزىندە مەملەكەتتىك باسقارۋ, ۇلتتىق قاۋىپسىزدىك, قورعانىس جانە قۇقىقتىق تەرتىپتى ساقتاۋ جونىندەگى مىندەتتەردى قامتاماسىز ەتۋ مۇمكىندىگىن قامتاماسىز ەتۋ ماقساتىندا جۇزەگە اسىرىلادى.
4. توتەنشە جاعداي رەجيمىن قامتاماسىز ەتۋگە قاتىساتىن جانە مەملەكەتتىك ورگاندار مەن ارنايى مەملەكەتتىك باسقارۋ ورگاندارىنا بايلانىس جەلىلەرىن, قۇرالدارىن جانە كورسەتىلەتىن قىزمەتتەرىن بەرۋ تۇرلەرىن, سانىن جانە مەرزىمىن مەملەكەتتىك ورگانداردىڭ جانە ارنايى مەملەكەتتىك باسقارۋ ورگاندارىنىڭ باسشىلارى ايقىندايدى.
بۇل رەتتە, بايلانىس وپەراتورلارى, بايلانىس جەلىلەرى مەن قۇرالدارىنىڭ يەلەرى تەحنيكالىق مۇمكىندىك بولعان جاعدايدا, رسى مەملەكەتتىك ورگاندارعا جانە ارنايى مەملەكەتتىك باسقارۋ ورگاندارىنا شەتكى (تەرمينالدىق) جابدىقتاردى قوسا العاندا, الدىن الا شارتتار جاساسپاي, وتىنىمدەردىڭ كەلىپ ءتۇسۋ شاماسىنا قاراي كەزەكتىلىك تارتىبىمەن وزگە تۇتىنۋشىلاردىڭ الدىندا بايلانىس ارنالارىن, بايلانىس جەلىلەرىن, بايلانىس كۇرالدارىن, بايلانىس قىزمەتتەرىن باسىمدىقپەن پايدالانۋعا ۇسىنادى.
5. بايلانىس قۇرالدارىن بەرۋ جانە كەرى قايتارۋ بايلانىس وپەراتورلارىنىڭ جەنە مەملەكەتتىك ورگاندار مەن ارنايى مەملەكەتتىك باسقارۋ ورگاندارىنىڭ ۋاكىلەتتى وكىلدەرى قول قوياتىن قابىلداۋ-بەرۋ اكتىسى بويىنشا جۇزەگە اسىرىلادى.
6. بايلانىس وپەراتورلارى, بايلانىس جەلىلەرى مەن قۇرالدارىنىڭ يەلەرى توتەنشە جاعداي كەزىندە ادام ءومىرىنىڭ تەڭىزدە, قۇرلىقتا, اۋادا, عارىش كەڭىستىگىندەگى قاۋىپسىزدىگىنە, قازاقستان رەسپۋبليكاسىندا قورعانىس, قاۋىپسىزدىك جەنە قۇقىقتىق ءتارتىپتى ساقتاۋ سالاسىنداعى تتتۇعىل شارالاردى وتكىزۋگە قاتىستى بارلىق حابارلامالارعا, سونداي-اق توتەنشە جاعدايلار تۋرالى حابارلامالارعا ءابسوليۋتتى باسىمدىق بەرەدى.
7. بايلانىس وپەراتورلارى, بايلانىس جەلىلەرى مەن قۇرالدارىنىڭ يەلەرى قازاقستان رەسپۋبليكاسىنىڭ «بايلانىس تۋرالى» 2004 جىلعى 5 شىلدەدەگى جەنە «جەدەل-ىزدەستىرۋ قىزمەتى تۋرالى» 1994 جىلعى 15 قىركۇيەكتەگى زاڭدارىنا سايكەس جەدەل-ىزدەستىرۋ قىزمەتىن جۇزەگە اسىراتىن ورگاندارعا توتەنشە جاعداي كەزىندە بارلىق بايلانىس جەلىلەرىندە جەدەل-ىزدەستىرۋ ءىس-شارالارىن جۇرگىزۋدىڭ ۇيىمدىق جانە تەحنيكالىق مۇمكىندىكتەرىن قامتاماسىز ەتەدى, كورسەتىلگەن ءىس-شارالاردى جۇرگىزۋ نىساندارى مەن ەدىستەرىنىڭ جاريا ەتىلۋىنە جول بەرمەۋ جونىندەگى ءىس-شارالاردى قابىلداۋدى قامتاماسىز ەتىلەدى.
8. بايلانىس وپەراتورلارىنىڭ بايلانىس جەلىلەرى مەن قۇرالدارىن پايدالانۋ كەزىندە ولاردىڭ شەككەن شىعىندارى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وتەلەدى.