سەمەي قالاسىندا ءورت ءسوندىرۋ كولىگىنىڭ جولىن بوگەگەن 5 جۇرگىزۋشىگە ايىپپۇل سالىندى, دەپ حابارلايدى Egemen.kz.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, ءورت ءسوندىرۋ كولىگىنىڭ قوزعالىسىنا كەدەرگى كەلتىرەتىندەردى جاۋاپقا تارتۋ ماقساتىندا ارنايى رەيد جۇرگىزىلدى.
ء«ورت سوندىرۋشىلەر عيماراتتار مەن تۇرعىن ۇيلەردەگى قىزىل جالىندى اۋىزدىقتاۋعا اتتانعاندا كولىكتەردىڭ بارار جولدى بوگەپ تۇرۋى كوپ كەدەرگى كەلتىرەدى. وسىعان بايلانىستى پوليتسەيلەر مەن قۇتقارۋشىلار سەمەي قالاسىنداعى كوپقاباتتى تۇرعىن ۇيلەردىڭ اۋلالارىنا رەيدكە شىقتى. شارا بارىسىندا 5 جۇرگىزۋشى قر اقبتك-ءنىڭ 597-بابى 3-بولىگى (كولiك قۇرالدارىن توقتاتۋ نەمەسە توقتاپ تۇرۋ قاعيدالارىن بۇزۋ) بويىنشا جاۋاپقا تارتىلدى», دەلىنگەن اقپاراتتا.