نۇر-سۇلتاندا مەملەكەت قايراتكەرى جۇمابەك تاشەنەۆكە ەسكەرتكىش قويىلدى, دەپ جازادى Egemen.kz.
Baq.kz اقپارات اگەنتتىگىنىڭ جازۋىنشا, ەسكەرتكىشتىڭ اشىلۋىنا مەملەكەت جانە قوعام قايراتكەرلەرى, تاشەنەۆتىڭ ۇرپاقتارى قاتىستى.
سايان جۇمابەك ۇلى تاشەنەۆ اكەسىنە ارنالىپ ەسكەرتكىش ءۇشىن ەل پرەزيدەنتى قاسىم-جومارت كەمەل ۇلىنا العىسىن ءبىلدىردى.
«بۇگىن ءبىزدىڭ وتباسىمىز ءۇشىن ەرەكشە كۇن. سەبەبى اكەمىزدىڭ ەسكەرتكىشى اشىلدى. بۇل ەسكەرتكىشتىڭ اشىلعانى ءۇشىن قاسىم-جومارت كەمەل ۇلىنا راحمەتىمدى ايتامىن. «اكەڭنىڭ ەڭبەگىن نەگە ناسيحاتتامايسىڭ؟» دەگەن ادامدار كوپ بولدى. ناعىز ەڭبەك سىڭىرگەن ادامدى حالىق ءوز قۇرمەتتەيدى. ءبىزدىڭ اكەمىز تەك اكە ەمەس, ناعىز پاتريوت بولعانىنا قۋانامىز. تۋعان جەرىندە تۇرعان ەسكەرتكىش قانداي كەرەمەت. بارىنە راحمەت», دەدى ول.
ەسكەرتكىشتى نۇر-سۇلتان قالاسىنىڭ اكىمىنىڭ ورىنباسارى اسحات ورالوۆ, مىرزاتاي جولداسبەكوۆ, ورالباي ابدىكارىموۆ اشتى.