جەدەل قىزمەتكەرلەر كۇدىكتىلەردى كەزەكتى ۇرلىعىنان كەيىن بىردەن ۇستادى. كريمينالدىق پوليتسيانىڭ مالىمەتىنشە, اشكەرەلەنگەن كۇدىكتىلەر نەگىزىنەن شاھاردىڭ ورتالىق بولىگىندە جۇرگەن, دەپ جازادى Egemen.kz.
«بۇل توپتىڭ قۇرامىنا الماتى مەن تۇركىستان وبلىستارىنىڭ 32 جاستان 36 جاس ارالىعىنداعى ءتورت ەر ادام كىرەدى. قاسكويلەر كىلتتى تاڭداۋ ارقىلى اقبۇلاق ىقشام اۋدانىندا ورنالاسقان ۇيلەردىڭ بىرىنە كىرىپ, جالپى قۇنى 500 مىڭ تەڭگەدەن اساتىن مۇلكىن ۇرلاپ كەتكەن. ۇرلانعان زاتتاردى, تاۋاردى جانە اقشانى تەرگەۋ-جەدەل توبى تاركىلەدى جانە قر قك-ءنىڭ 188-بابى 3-بولىگى بويىنشا سوتقا دەيىنگى تەرگەۋدىڭ بىرىڭعاي رەەسترىنە تىركەدى. كۇدىكتىلەر ۋاقىتشا ۇستاۋ يزولياتورىنا قامالدى», دەدى الماتى قالالىق پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
وكىلەتتى ورگان كۇدىكتىلەردىڭ المالى جانە بوستاندىق اۋداندارىندا وسىعان ۇقساس تاعى ءۇش ۇرلىققا قاتىسى بار ەكەنىن دالەلدەدى.