وڭتۇستىك قازاقستان وبلىستىق ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنىڭ قىزمەتكەرى 1 ملن. تەڭگە كولەمىندەگى پارانى الۋدان باس تارتتى. بۇل تۋرالى Ras.kz حابارلادى.
«وڭتۇستىك قازاقستان وبلىسىندا كاسىپكەر وزىنە قارسى قوزعالعان قىلمىستىق ءىستىڭ توقتاتىلۋى ءۇشىن قارجى پوليتسياسىنىڭ قىزمەتكەرىنە 1 ملن. تەڭگە كولەمىندە پارا ۇسىنعان. بيزنەسمەن وسى اقشانى بەرۋ كەزىندە ايعاقتى زاتتارىمەن ۇستالدى», – دەلىنگەن حابارلامادا.
وبلىستىق قارجى پوليتسياسى دەپارتامەنتى ءباسپاسوز قىزمەتىنىڭ دەرەگىنە جۇگىنسەك, «اق مەرەكە» جشس-نىڭ بۇرىنعى ديرەكتورى دەپارتامەنت قىزمەتكەرىنە پارا بەرۋگە ارەكەتتەنگەنى ءۇشىن ۇستالعان ەكەن. ارتىنان ونىڭ جشس لاۋازىمدى تۇلعاسىنا قاتىستى قىلمىستىق ءىستىڭ توقتاتىلۋى ءۇشىن ءبىر ميلليون تەڭگە كولەمىندە پارا ۇسىنعانى ءمالىم بولدى. وسى وقيعاعا بايلانىستى ەكس-ديرەكتوردىڭ ۇستىنەن قىلمىستىق ءىس قوزعالدى.
ءامىرحان الماعانبەتوۆ.
دەرەككوز: Ras.kz
فوتو: Sled. net.ua