نۇر-سۇلتان قالاسىنداعى ەسىل وزەنىندە بالا سۋعا باتىپ كەتتى, دەپ حابارلايدى Egemen.kz قر توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
18 تامىز كۇنى كەشكە ساعات 18:39-دا ەلوردالىق 101 قۇتقارۋ قىزمەتىنىڭ پۋلتىنە سارىارقا اۋدانى اققورعان كوشەسىندەگى ەسىل وزەنىنە باتىپ كەتكەن قىز تۋرالى حابارلاما كەلىپ ءتۇستى.
توتەنشە جاعداي ورنىنا جەدەل تۇردە 4 قۇتقارۋشى مەن 1 تەحنيكا جىبەرىلدى. شاقىرۋ ورنىنا كەلگەننەن كەيىن قالىپتاسقان جاعدايدى باعالاپ, سۇڭگۋىرلەر توبى وزەن ءتۇبىن زەرتتەي باستادى. جوندەۋ جۇمىستارى, سونداي-اق سۋ قويماسىنىڭ باتپاقتى جانە سازدى ءتۇبى ىزدەۋ جۇمىستارىن قيىنداتتى, سوندىقتان بۇل جەردە سۋعا تۇسۋگە تىيىم سالىنعان. قۇتقارۋشىلار ساعات 20:17-دە سۇڭگۋىر جابدىعىنىڭ كومەگىمەن سۋدان 2008 جىلى تۋعان قىزدىڭ دەنەسىن الىپ شىقتى.
شومىلۋ ماۋسىمى باستالعاننان بەرى نۇر-سۇلتان قالاسىنىڭ اۋماعىندا 9 ادام سۋعا كەتتى, ونىڭ ىشىندە 5-ءۋى بالا. قازا بولۋدىڭ بارلىق فاكتىلەرى شومىلۋعا تىيىم سالىنعان جانە جابدىقتالماعان جەرلەردە تىركەلگەن.
شومىلۋ ماۋسىمى باستالعاننان بەرى قالالىق پوليتسيا قىزمەتكەرلەرى تىيىم سالىنعان جەرلەردە جالپى سۋ پايدالانۋ - شومىلۋ ەرەجەلەرىن بۇزعان تۇلعالارعا قاتىستى 563 اكىمشىلىك حاتتاما تولتىردى. سونداي-اق, تج دەپارتامەنتىنىڭ قىزمەتكەرلەرى ەرىكتىلەردىڭ قاتىسۋىمەن وتكەن رەيدتىك ءىس-شارالار بارىسىندا 55 مىڭنان استام ەسكەرتۋ پاراقشالارى مەن جادىنامالاردى تاراتتى.
«الايدا, جۇرگىزىلىپ جاتقان شارالارعا قاراماستان, بەلگىلەنبەگەن جەرلەردە حالىقتىڭ سۋعا ءتۇسۋ فاكتىلەرىنىڭ سانى ارتۋدا. اسىرەسە, بالالار ءولىمىنىڭ فاكتىلەرى باسىم», دەدى تجم.