16 تامىزدا باتىس قازاقستان وبلىسىندا شىققان ءورت اۋماعى 21 گەكتارعا جەتتى, دەپ جازادى Egemen.kz.
ورتالىق ازيا جاڭالىقتار قىزمەتىنىڭ جازۋىنشا, ءورت بايتەرەك اۋدانىنىڭ ترەكينو جانە ۆولوداركا اۋىلدارىنىڭ اراسىندا شىققان. قۇرعاق ءشوپ ورتەنىپ, جاقىن ماڭداعى ورماندى شارپىعان. كەيىن ءورت ورال وزەنىنىڭ ارعى بەتىنە وتكەن. ولار ورال قالاسىنان 15 شاقىرىم جەردە ورنالاسقان.
قۇتقارۋشىلار ءورت اۋماعىندا ويناپ جۇرگەن توعىز بالانى جانە ءبىر ەرەسەك ادامدى قۇتقارعان.
وقيعا ورنىنا تاعى 31 قۇتقارۋشى جىبەرىلدى.
ازىرگە ءورتتىڭ سەبەبى بەلگىسىز. كۇننىڭ ىستىعى اسەرەتۋى مۇمكىن دەگەن بولجام بار.
«جاز وتە ىستىق بولىپ جاتىر, ونىڭ ۇستىنە ىستىق جەل جالىندى بىردەن تاراتىپ اكەتەدى. ورمانشىلار قازىر از. ولار قۇرعاق ءشوپتى تازالاپ ۇلگەرمەيدى. تاعى ءبىر فاكتور — ورال وزەنى تارتىلىپ جاتىر. تالدار قۋراپ جاتىر», دەيدى «جاسىل مايدان» قوزعالىسىنىڭ وكىلى زلاتا ۋدوۆيچەنكو.