قازاقستان پرەزيدەنتى قاسىم-جومارت توقاەۆ 2-4 قىركۇيەكتە ۆلاديۆوستوكتا وتەتىن شىعىس ەكونوميكالىق فورۋمىنا قاتىسادى. بۇل تۋرالى قازاقستاننىڭ رەسەيدەگى ەلشىلىگى حابارلادى, دەپ حابارلايدى Egemen.kz.
قازاقستاننىڭ رەسەيدەگى ەلشىسى ەرمەك كوشەرباەۆ رف پرەزيدەنتىنىڭ كەڭەسشىسى, شىعىس ەكونوميكالىق فورۋمى ۇيىمداستىرۋ كوميتەتىنىڭ جاۋاپتى حاتشىسى انتون كوبياكوۆپەن كەزدەستى.
كەزدەسۋدە قازاقستان دەلەگاتسياسىنىڭ بيىل 2-4 قىركۇيەكتە ۆلاديۆوستوكتا وتەتىن VI شىعىس ەكونوميكالىق فورۋمىنا قاتىسۋى تالقىلاندى.
ەرمەك كوشەرباەۆ اتالعان فورۋم قيىر شىعىستىڭ وڭىرلەرىمەن جانە ونداعى جوبالارمەن تانىسۋعا مۇمكىندىك بەرەتىنىن اتاپ ءوتتى. فورۋم اياسىندا قازاقستاندىق دەلەگاتسيانىڭ رەسەيدىڭ مەملەكەتتىك ورگاندارىمەن, ىسكەر توپ وكىلدەرىمەن, شەتەلدىك قوناقتارمەن كەزدەسۋى جوسپارلانعان.
پلەنارلىق وتىرىسقا قازاقستان پرەزيدەنتى قاسىم-جومارت توقاەۆ ونلاين فورماتتا قاتىسادى دەپ جوسپارلانىپ وتىر.