الەكساندر ۆينوكۋروۆ «استانا» ۆەلوكومانداسىنىڭ سپورت جەتەكشىسى قىزمەتىنە ورالادى, دەپ حابارلايدى Egemen.kz.
Astana - Premier Tech سايتىنداعى مالىمەتكە سۇيەنسەك, كوماندا 2022 جىلعى ماۋسىمدا ونەر كورسەتۋىن جالعاستىرادى.
«قازاقستاندىق سەرىكتەستەر كەلەسى ماۋسىمدا جوبانى اكتسيونەر جانە دەمەۋشى رەتىندە جالعاستىراتىندارىن راستادى. الەكساندر ۆينوكۋروۆ 2022 جىلى كوماندانىڭ سپورت جەتەكشىسى رەتىندە مىندەتتەرىن قولىنا الادى جانە ۆەلوشاباندوزدار مەن پەرسونالدى, سونداي-اق جوبانىڭ سپورتتىق قىزمەتىن ۇيلەستىرۋ فۋنكتسيالارىن وزىنە الادى», دەلىنگەن رەسمي حابارلامادا.
ۆەلوكوماندا الەمدىك ۆەلوسپورتتاعى جوعارعى ليگانىڭ 17-ماۋسىمىنا دايىندالىپ جاتىر. سايت مالىمەتى بويىنشا, جاقىن ارادا كەلىسىمشارتتار ۇزارتىلىپ, جاڭا شاباندوزدار كەلىسىمگە قول قويۋى مۇمكىن.