17-30 تامىز ارالىعىندا بىرىككەن اراب امىرلىكتەرىندە بوكستان جاستار مەن جاسوسپىرىمدەر اراسىنداعى ازيا چەمپيوناتى وتەدى. بۇل تۋرالى ۇوك ءباسپاسوز قىزمەتى حابارلادى, دەپ جازادى Egemen.kz.
قۇرلىق دوداسىندا جالپى ەسەبى 51 چەمپيوننىڭ ەسىمى بەلگىلى بولادى. ولاردىڭ ىشىندە 25 قىز, 26 ەر بالا بار.
بولجام بويىنشا, چەمپيوناتقا ەڭ كوپ دەلەگاتسيانى قازاقستان, ءۇندىستان جانە وزبەكستان الىپ بارادى.
ودان بولەك, قۇرلىق بىرىنشىلىگى تاريحىندا العاش رەت ەكى جاس ەرەكشەلىگىندەگى سپورتشىلار باق سىنايدى. جاستار اراسىندا - 2003-2004 جىلى تۋعان سپورتشىلار, جاسوسپىرىمدەر اراسىندا 2005-2006 جىلعى بوكسشىلار ءوزارا مىقتىنى انىقتايدى.