بۇل تۋرالى رف تجم كراسنودار ولكەسى باسقارماسىنان حابارلادى, دەپ جازادى Egemen.kz تاسس-قا سىلتەمە جاساپ.
رەسەيدىڭ كۋبان قالاسىندا تولاسسىز جاۋعان نوسەر سالدارىنان ەلدى مەكەندەردى سۋ باستى. بۇگىنگى تاڭدا سۋ استىندا قالعان ۇيلەر سانى 1,3 مىڭعا جەتتى, سونىمەن قاتار 1,6 مىڭ اۋلانى سۋ باستى.
كەشە كەشكە تجم وڭىرلىك باسشىلىعى كراسنودار ولكەسىندە اۋا رايىنىڭ قولايسىزدىعىنان 352 ءۇي مەن 878 اۋلانى سۋ باسقانىن حابارلادى.
«وسى تسيكلون سالدارىنان 19 ەلدى مەكەندەگى 1344 جەكە ءۇي, 1683 اۋلانى سۋ باستى», دەپ جازىلعان حابارلامادا.
قۇتقارۋشىلار بەس لاگەردەگى 989 بالانى ەۆاكۋاتسيالادى.
847 تۇرعىن, سونىڭ ىشىندە 588 بالا ۋاقىتشا ورنالاستىرۋ پۋنكتىنە جەتكىزىلدى.
تەمريۋك اۋدانى ستاروتيتاروۆسك ستانساسىندا 25 ادام ەۆاكۋاتسيالاندى.
11 ەلدى مەكەندە ەلەكتر ىستەن شىعىپ, 108 مىڭ ادام جارىقسىز قالدى. قالپىنا كەلتىرۋ جۇمىستارى ءجۇرىپ جاتىر.
14 مۋنيتسيپاليتەتتە توتەنشە جاعداي رەجيمى جاريالاندى.