جىلىوي اۋدانىنداعى تەڭىز كەن ورنىندا جۇمىس ىستەيتىن قىزمەتكەرلەردىڭ اراسىندا ۆاكتسينا سالدىرعاندار سانى 92 پايىزعا جەتتى, دەپ حابارلايدى Egemen.kz.
«تەڭىزشەۆرويل» جشس-ءنىڭ ءباسپاسوز قىزمەتى ۇسىنعان دەرەككە قاراعاندا, كەن ورنىنا جۇمىس ىستەيتىن 48 مىڭنان استام ادام ۆاكتسينانىڭ ءى كومپونەنتىن سالدىرعان. ۆاكتسينانىڭ تولىق كومپونەنتىن العان 37 مىڭنان اسىپ وتىر.
«كومپانيا كەن ورنىندا قاۋىپتى ۆيرۋستىڭ تارالۋىن بولدىرماۋ ءۇشىن قىزمەتكەرلەر مەن جۇمىسشىلاردىڭ ۆاكتسينا سالدىرۋىنا بار مۇمكىندىكتى جاساپ وتىر. «تەڭىزشەۆرويل» جشس مەن سەرىكتەس مەكەمەلەردىڭ قىزمەتكەرلەرى اتىراۋ, قۇلسارى, نۇر-سۇلتان, الماتى, ورال, اقساي, شىمكەنت, اقتوبە, اقتاۋ, قىزىلوردا, تاراز, كوكشەتاۋ, تۇركىستان, تالدىقورعان جانە جاڭاوزەن قالالارىنداعى «مەديكەر» ورتالىقتارىندا ۆاكتسينا سالدىرا الادى. بۇل ەلىمىزدىڭ باسقا وڭىرلەرىندە تۇراتىن ارىپتەستەرىمىز ءۇشىن ىڭعايلى», دەپ حابارلادى كومپانيانىڭ ءباسپاسوز قىزمەتى.