تاراز قالاسىندا ءۇش جاسار قىزدى جۇك پويىزى باسىپ كەتتى, دەپ حابارلايدى Egemen.kz قازاقپارات سايتىنا سىلتەمە جاساپ.
قايعىلى جاعداي قۇمشاعال بەكەتىندە ورىن العان.
تاراز ستانتسياسى جەلىلىك پوليتسيا وكىلدەرىنىڭ ايتۋىنشا, قىزدىڭ اناسى تەمىرجولدا تۇرعان ۆاگونداردىڭ استىنان وتپەك بولعان. سول مەزەتتە پويىز قوزعالىپ كەتىپ ءبۇلدىرشىندى باسىپ كەتكەن. اۋىر دەنە جاراقاتتارىن العان ءسابي وقيعا ورنىندا كوز جۇمدى. بالانىڭ اناسىمەن پسيحولوگتار جۇمىس ىستەپ جاتىر.
اتالعان فاكتى بويىنشا قىلمىستىق ءىس قوزعالدى.
«بۇل فاكتى بويىنشا قر قىلمىستىق كودەكسىنىڭ 344-بابىنىڭ 2-بولىگى, ياعني تەمىرجول كولىگىنىڭ قوزعالىس جانە پايدالانۋ قاعيدالارىن بۇزۋ بويىنشا سوتقا دەيىنگى تەرگەۋ امالدارى باستالدى. قازىرگى ۋاقىتتا ءىس بويىنشا قاجەتتى تەرگەۋ امالدارى جۇرگىزىلۋدە», دەلىنگەن كولىكتەگى پوليتسيا دەپارتامەنتى ءباسپاسوز قىزمەتىنىڭ حابارلاماسىندا.