بۇل شىعىس قازاقستان وبلىسىندا جىل باسىنان بەرى تىركەلگەن وقيعالار سانى, دەپ جازادى Egemen.kz baq.kz-كە سىلتەمە جاساپ.
ونىڭ ىشىندە وسكەمەن قالاسىندا – 1429, ريددەر قالاسىندا – 627, كاتونقاراعاي اۋدانىندا – 418, التاي اۋدانىندا – 357, گلۋبوكوە اۋدانىندا – 237, شەمونايحا اۋدانىندا – 152, ۇلان اۋدانىندا – 26, زايسان اۋدانىندا – 15, كوكپەكتى اۋدانىنداعى سامار اۋماعىندا – 11 تۇرعىندى كەنە شاققان.
وتكەن جىلدىڭ وسى كەزەڭىمەن سالىستىرعاندا (2020 ج. – 3551) كەنە شاعۋ جاعدايى 7,9%-عا تومەندەگەنى بايقالادى.
الايدا كەنە شاعۋىنا بايلانىستى مەديتسينالىق كومەككە جۇگىنگەن ادامداردىڭ اراسىندا كەنە ينفەكتسياسى بويىنشا اۋرۋ جاعدايلارى تىركەلمەگەن.
2021 جىلدىڭ ەندەميالىق ماۋسىمى باستالعاننان بەرى ريددەر, وسكەمەن قالالارىنىڭ جانە گلۋبوكوە, كاتونقاراعاي اۋداندارى اۋماقتارىندا كەنە ەنتسەفاليتىنىڭ 7 راستالعان جاعدايى تىركەلدى.
شقو سانيتاريالىق-ەپيدەميولوگيالىق باقىلاۋ دەپارتامەنتى كەنە ەنتسەفاليتىنەن قورعانۋدىڭ ەڭ ءتيىمدى جولى كەنەنىڭ قاندى سورۋىنا جول بەرمەۋ ەكەنىن ەسكەرتەدى.
«ول ءۇشىن قاراپايىم ساقتىق شارالارىن ورىنداپ: كەنەنىڭ ادام تەرىسىنە تىكەلەي جاناسۋىن شەكتەيتىن كيىم كيۋ, رەپەللەنتتەردى (ۇركىتەتىن قۇرالداردى) قولدانۋ, تابيعات اياسىندا ۋاقىت وتكىزگەن جاعدايدا ءوزىن جانە قاسىنداعىلاردى مۇقيات تەكسەرۋ», دەلىنگەن سانيتارلىق-ەپيدەميولوگيالىق باقىلاۋ كوميتەتىنىڭ حابارلاماسىندا.