قر ءبىلىم جانە عىلىم ءمينيسترى اسحات ايماعامبەتوۆ مەملەكەتتىك ءبىلىم بەرۋ گرانتتارى يەگەرلەرىنىڭ ءتىزىمى شىعاتىن مەرزىمدى اتادى, دەپ حابارلايدى Egemen.kz.
ء«بىلىم بەرۋ گرانتتارىن تاعايىنداۋ جونىندەگى رەسپۋبليكالىق كوميسسيانىڭ ءبىرىنشى وتىرىسى ءوتتى. وتىرىستى ورىنباسارىم قۋانىش ەرعاليەۆ وتكىزدى. قازىر كوميسسيا وتىرىسى ءوتىپ جاتىر. تامىزدىڭ 15-ىنە دەيىن بۇل جۇمىس اياقتالادى دەپ كۇتىلۋدە. سودان كەيىن ادەتتەگىدەي تاعايىنداۋ قورىتىندىسىن جاريا ەتەتىن بولامىز», دەدى اسحات ايماعامبەتوۆ وتاندىق ينتەرنەت باسىلىمعا بەرگەن سۇحباتىندا.
ايتا كەتسەك, بيىل پرەزيدەنت تاپسىرماسىمەن گرانتتاردىڭ جالپى سانى 5 مىڭعا ارتىپ وتىر. ياعني, وتكەن جىلى ءبىلىم بەرۋ گرانتتارىنىڭ سانى 51 مىڭ بولسا, بيىل 56 مىڭعا دەيىن ارتتى.
مەملەكەتتىك گرانتتاردى ءبولۋ كەزىندە العاش رەت ازاماتتاردىڭ الەۋمەتتىك وسال ساناتتارى ءۇشىن كۆوتالار كوزدەلگەن. وسى جىلى ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن بارلىعى 75 مىڭنان استام ءوتىنىم بەرىلدى. بۇل 2020 جىلمەن سالىستىرعاندا 13 مىڭعا ارتىق.