سينوپتيكتەر 11 تامىزعا ارنالعان اۋا رايى بولجامىن جاريالادى, دەپ حابارلايدى Egemen.kz.
«تسيكلون جانە ونىمەن بايلانىسقان اتموسفەرالىق فرونتتار رەسپۋبليكانىڭ سولتۇستىگى, شىعىسى مەن وڭتۇستىك-شىعىسىنداعى اۋا رايىنا اسەرىن ءالى دە ساقتاۋدا. وسىعان بايلانىستى سولتۇستىكتە جانە سولتۇستىك-شىعىستا قاتتى جاڭبىر جاۋادى, جەكەلەگەن اۋدانداردا نايزاعاي مەن بۇرشاق, كەي جەرلەردە تۇمان تۇسەدى. ەلىمىزدىڭ قالعان وڭىرلەرىندە ايتارلىقتاي جاۋىن-شاشىنسىز اۋا رايى بولادى. باتىس اۋدانداردا قاتتى ىستىق اۋا رايى ساقتالادى. رەسپۋبليكا بويىنشا كەي جەرلەردە جەل كۇشەيەدى», دەلىنگەن «قازگيدرومەت» رمك ءباسپاسوز حابارلاماسىندا.
اتاپ ايتقاندا, سولتۇستىك قازاقستان, پاۆلودار وبلىستارىنىڭ كەي جەرلەرىندە نايزاعاي ويناپ, بۇرشاق جاۋىپ, تۇمان تۇسەدى, جەل 15-20 م/س دەيىن كۇشەيەدى.
قوستاناي وبلىسىندا نايزاعاي ويناپ, تۇمان تۇسەدى, 15-20 م/س جەل سوعادى.
اقمولا, كۇندىز جامبىل وبلىسىنىڭ كەي جەرلەرىندە نايزاعاي, بۇرشاق بولىپ, 15-20 م/س شاماسىندا جەل سوعادى. جامبىل وبلىسىندا شاڭدى داۋىل بولادى.
كۇندىز قىزىلوردا, باتىس كازاقستان وبلىستارىندا جەلدىڭ جىلدامدىعى 15-20 م/س دەيىن كۇشەيەدى. اقتوبە وبلىسىنىڭ كەي جەرلەرىندە, الماتى وبلىسىنىڭ تاۋلى اۋداندارىندا نايزاعاي بولۋى مۇمكىن.
شىعىس قازاقستان وبلىسىندا نايزاعاي ويناپ, جەل جىلدامدىعى 15-20 م/س جەتەدى.
كۇندىز اتىراۋ وبلىسىندا وتە قاتتى ىستىق ساقتالادى. ماڭعىستاۋ, باتىس قازاقستان وبلىستارىنىڭ باسىم بولىگىندە قاتتى ىستىق, كەي جەرلەرىندە وتە قاتتى ىستىق بولادى.
«قىزىلوردا, تۇركىستان, ماڭعىستاۋ, اتىراۋ, جامبىل, اقتوبە وبلىستارىنىڭ باسىم بولىگىندە, الماتى, قاراعاندى, باتىس قازاقستان وبلىستارىنىڭ كەي جەرلەرىندە, قوستاناي, شىعىس قازاقستان وبلىستارىنىڭ وڭتۇستىگىندە, اقمولا وبلىسىنىڭ جەكەلەگەن اۋداندارىندا توتەنشە ءورت قاۋپى ساقتالادى», دەلىنگەن حابارلامادا.