قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى اسقار شاكىروۆ مەملەكەت باسشىسىنىڭ تاپسىرماسى بويىنشا يران يسلام رەسپۋبليكاسىنىڭ پرەزيدەنتى يبراحيم ءرايسيدى ۇلىقتاۋ راسىمىنە قاتىستى, دەپ حابارلادى سەناتتىڭ ءباسپاسوز قىزمەتى.
يران يسلام رەسپۋبليكاسى پارلامەنتىنىڭ عيماراتىندا وتكەن ءراسىم كەزىندە يبراحيم رايسي رەسمي تۇردە قىزمەتكە كىرىسىپ, ەلدىڭ جوعارعى زاڭ شىعارۋشى ورگانى دەپۋتاتتارىنىڭ الدىندا انت بەردى.
تەگەراندا بولعان كەزدە يران ءماجىلىسىنىڭ توراعاسى مۋحامماد گاليبافپەن كەزدەسۋ بولدى, ونىڭ اياسىندا تاراپتار قازاقستان-يران قاتىناستارىنىڭ جاي-كۇيى مەن كەلەشەگىن, سونداي-اق ءوزارا مۇددەلىلىك تۇرعىسىندا حالىقارالىق كۇن ءتارتىبىنىڭ ماسەلەلەرىن تالقىلادى.
يران يسلام رەسپۋبليكاسى ماجىلىسىندەگى «يران-قازاقستان» دوستىق توبىنىڭ جەتەكشىسى گولام نۋريمەن كەلىسسوز جۇرگىزىلىپ, ەكىجاقتى سيپاتتاعى جانە حالىقارالىق ۇيىمدار اياسىنداعى پارلامەنتارالىق ىنتىماقتاستىق ماسەلەلەرى تالقىلاندى.
سەنات توراعاسىنىڭ ورىنباسارى يران يسلام رەسپۋبليكاسىنىڭ ماقساتتى بەلگىلەۋ جونىندەگى كەڭەسىنىڭ حاتشىسى موحسەن رەزايمەن كەزدەستى. وندا قر پارلامەنتى قىزمەتىنىڭ نەگىزگى باعىتتارى, سونداي-اق قازىرگى ۋاقىتتا قازاقستاندا جۇرگىزىلىپ جاتقان وزگەرىستەر تۋرالى حاباردار ەتىلدى.
ماقساتتى بەلگىلەۋ جونىندەگى كەڭەس – يراننىڭ جوعارعى كوشباسشىسى جانىنداعى بيلىكتىڭ بارلىق تارماقتارىن قاداعالايتىن وكىلەتتىكتەرگە يە اكىمشىلىك قۇرىلىم. كەڭەس قۇرامىنا يراننىڭ بۇرىنعى پرەزيدەنتتەرى مەن كورنەكتى قايراتكەرلەرى كىرەدى.
اسقار شاكىروۆ يناۋگۋراتسيالىق شارالار اياسىندا وعان قاتىسقان شەتەل دەلەگاتسيا باسشىلارىمەن جۇمىس بابىنداعى بىرقاتار كەزدەسۋلەر وتكىزدى.
يبراحيم رايسي يراندا 18 ماۋسىمدا وتكەن پرەزيدەنتتىك سايلاۋدا جالپى داۋىس سانىنىڭ 61,95%-ىن جيناپ, جەڭىسكە جەتكەن بولاتىن.