جۇرگىزۋشى كۋالىگىنەن ايرىلعان استانالىق ماس كۇيىندە كولىك باسقارعان

الەۋمەتتىك جەلىدە 777MVD ءنومىرلى كولىك جۇرگىزۋشىنىڭ جول ەرەجەسىن بۇزعانى جاريالانعان ۆيدەو تارالدى. ب ەينەجازعا قاتىستى ەلوردالىق پوليتسيا دەپارتامەنتى تۇسىنىكتەمە بەردى.

«7 تامىز كۇنى ساعات 20:10-دا قارقارالى شوسسەسىندەگى باعدارشامدا Lada Largus ماركالى اۆتوكولىك جۇرگىزۋشىسى Lada Xray اۆتوكولىگىمەن سوقتىعىستى. كۋاگەرلەردىڭ ايتۋىنشا, Lada Largus كولىگىنىڭ جۇرگىزۋشىسى جول ەرەجەسىن دورەكى تۇردە بۇزىپ, سالدارى جول-كولىك وقيعاسىنا الىپ كەلدى. ونىسىمەن قويماي جۇرگىزۋشى ءوزىن دورەكى ۇستاعان. وقيعا ورنىنا پاترۋلدىك پوليتسيا ەكيپاجى جەتتى. جۇرگىزۋشىنىڭ قۇجاتىن تەكسەرۋ بارىسىندا اۆتوموبيل سالونىنان الكوگولدىڭ ءيىسى بايقالعان. كەيىن مەديتسينالىق ساراپتاما ناتيجەسى كورسەتكەندەي, جۇرگىزۋشى ماس بولعان. ونىڭ ۇستىنە ايىپتى كولىك جۇرگىزۋ قۇقىعىنان ايرىلعان بولىپ شىقتى», دەلىنگەن حابارلامادا.

دەپارتامەنتتىڭ حابارلاۋىنشا, قىلمىستىق كودەكسىنىڭ 346 بابى 2 تارماعىنا سايكەس, 27 جاستاعى جۇرگىزۋشىگە قارسى قىلمىستىق ءىس قوزعالدى.

ەلوردالىق تۇرعىن كولىك جۇرگىزۋ قۇقىعىنىڭ جوقتىعىنا قاراماستان رولگە وتىرعانى جانە ماس كۇيىندە كولىك باسقارعانى ءۇشىن ايىپقا ءىلىنىپ وتىر. بۇگىندە جۇرگىزۋشى قامالىپ, ونىڭ ايپپۇل تۇراعىنا قويىلدى.

پوليتسيا دەپارتامەنتىنىڭ مالىمەتىنە سۇيەنسەك, جىل باسىنان بەرى ەلوردادا ماس جۇرگىزۋشىلەر كىناسىنەن 163 جول-كولىك وقيعاسى بولعان. 10 ادام ءتۇرلى جاراقات العان.

ال وتكەن جىلى ماس كۇيىندە كولىككە وتىرعان جۇرگىزۋشىلەردىڭ كەسىرىنەن 10 ادام جاراقات الىپ, 1 ادام مەرت بولعان.