ماڭعىستاۋلىق ۆيدەوگرافتىڭ كامەراسىنا سيرەك كەزدەسەتىن جىرتقىش اڭ - قىزىل قاسقىر ءتۇسىپ قالدى, دەپ حابارلايدى Egemen.kz.
ءوزىنىڭ ايتۋىنشا, مەيرامبەك ارالباي ۇلى بۇل ۆيدەونى كەشە, 6 تامىز كۇنى كاسپي جاعالاۋىنان ءتۇسىرىپ العان.
«بيىلعى ەرەكشە ىستىق پەن قۋاڭشىلىقتان اڭدار جاعاعا شىعىپ قالعان بالىقتى قورەك ەتۋگە ءماجبۇر بولعان سياقتى» دەپ اتاپ ءوتتى ۆيدەوگراف Instagram پاراقشاسىندا.
ۆيدەودان ۇرعاشى قاسقىردىڭ توبەدە اينالىپ ۇشىپ جۇرگەن دروندى كورىپ, قورىققاننان قاشا جونەلگەنىن كورۋگە بولادى.
مەيرامبەك ارالباي ۇلى قىزىل قاسقىر بەيقام تاماقتانىپ الۋى ءۇشىن ۆيدەوتۇسىرىلىمدى وسى جەردەن توقتاتقان. قىزىل قاسقىر - قاسقىر تۇقىمداسىنا جاتاتىن جىرتقىش سۇتقورەكتى. قازاقستاندا تيان-شان مەن جوڭعار الاتاۋىندا كەزدەسەدى. تەرىسى باعالى, سانى وتە از اڭ سانالادى.
قىزىل قاسقىر حالىقارالىق تابيعات قورعاۋ وداعى مەن قازاقستاننىڭ «قىزىل كىتابىنا» ەنگىزىلگەن.