كاراتەشى سوفيا بەرۋلتسەۆا توكيو وليمپياداسىنداعى جەڭىستى جولىن جالعاستىرۋدا. ول ءۇشىنشى كەزدەسۋدەن سوڭ مەرزىمىنەن بۇرىن جارتىلاي فينالعا شىقتى دەپ حابارلايدى Egemen.kz.
ايەلدەر اراسىندا 61 كەلىدەن جوعارى سالماقتا سىنعا ءتۇسىپ جاتقان ول ەكىنشى كەزدەسۋىندە ەۋروپا ويىندارىنىڭ جەڭىمپازى, يتاليا سپورتشىسى سيلۆيا سەمەرارونى 5:1 ەسەبىمەن ۇتتى. كەيىن تۇرىك سپورتشىسىمەن تەڭ ءتۇسىپ, ءۇشىنشى جەكپە-جەكتە ازىربايجادىق يرينا زارەتسكايادان 5:4 ەسەبىمەن باسىم ءتۇستى.
وسىلايشا, 5 ۇپايمەن مەرزىمىنەن بۇرىن جارتىلاي فينالعا جولداما الدى. بۇل كەم دەگەندە قولا جۇلدە قورجىندا ەكەنىن بىلدىرەدى.