پەتروپاۆلدا اتا-اناسىنىڭ قاراۋىنسىز وزەنگە شومىلۋعا بارعان بالا سۋعا باتتى, دەپ حابارلايدى Egemen.kz سقو توتەنشە جاعدايلار دەپارتامەنتىنە سىلتەمە جاساپ.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, وقيعا بۇگىن ساعات 16.00 شاماسىندا ورىن العان. پەتروپاۆلداعى 20-ىقشاماۋدانى ماڭىنان اعاتىن ەسىل وزەنىنە شومىلۋعا بارعان 2009 جىلى تۋعان ءجاسوسپىرىم سۋعا باتتى.
بالا وزەنگە ۇلكەندەردىڭ قاراۋىنسىز بارعان. ونى قۇتقارۋ مۇمكىن بولمادى. ءجاسوسپىرىمنىڭ دەنەسىن جەدەل-قۇتقارۋ وتريادىنىڭ ماماندارى سۋدان الىپ شىقتى. قازىر وقيعانىڭ ءمان-جايى انىقتالىپ جاتىر.
سقو-دا جىل باسىنان بەرى سۋدا وسىمەن 19-شى ادام قازا تاپتى. مەرت بولعانداردىڭ بەسەۋى – بالا.