قازاقستاندىق كاراتەشى دارحان ءاسادىلوۆ توكيو وليمپياداسىنىڭ جارتىلاي فينالىنا شىقتى, دەپ حابارلايدى Egemen.kz.
ا توبىندا ونەر كورسەتكەن كاراتەشى ءۇشىنشى قارسىلاسى جاپون ساگو ناوتونى 3:0 ەسەبىمەن جەڭىپ, مەرزىمىنەن بۇرىن جارتىلاي فينالعا جولداما الدى. دەمەك, ءاسادىلوۆتىڭ ەنشىسىندە كەم دەگەندە قولا مەدال بار.
ايتا كەتەيىك, قازاقستاندىق كاراتەشى العاشقى كەزدەسۋىندە 6:2 ەسەبىمەن باسىم تۇسكەن ەدى. كەيىن ازەربايجاندىق فيردوۋسي فارزاليەۆتى دە 6:2 ەسەبىمەن جەڭگەن بولاتىن.دارحان ءاسادىلوۆ - كاراتەدەن قازاقستان قۇراماسىنداعى ەڭ تاجىريبەلى سپورتشى, جاسى 33-تە. 2010 جىلى ازيا چەمپيونى اتانعان. 2008 جىلى الەم چەمپيوناتىندا كۇمىس, 2018 جىلى قولا مەدال جەڭىپ العان. ەنشىسىندە ازيا چەمپيوناتىنان بىرنەشە جۇلدە بار.