بۇگىن يەرۋساليمنىڭ شەتىندەگى ورماندا ۇلكەن ورمان ءورتى شىعىپ, 10 گەكتار اۋماققا جايىلدى. وقيعا ورنىنا 12 ءورت ءسوندىرۋ ۇشاعى مەن 15 ءورت ءسوندىرۋ-قۇتقارۋ توبى جىبەرىلدى, دەپ حابارلايدى Egemen.kz The Jerusalem Post-قا سىلتەمە جاساپ.
سەيسەنبىدە يەرۋساليمنىڭ شەتىندەگى شورش ايماعى ماڭىنداعى ورماندا ۇلكەن ورمان ءورت شىقتى. كولەمى 10 گەكتاردى (24,7 اكر) الدى.
وقيعا ورنىنا 8 ءورت ءسوندىرۋ ۇشاعى, تىكۇشاق جانە 24 ءورت ءسوندىرۋ-قۇتقارۋ توبى جىبەرىلدى. سونىمەن قاتار رەزەرۆتە 2 ءورت ءسوندىرۋ اۆياتسياسى بار.
شەكارا پوليتسياسىنىڭ قىزمەتكەرلەرى وسى ايماقتاعى شورەش تۇرعىندارى مەن تۋريستەرىن ەۆاكۋاتسيالايدى.
ءيزرايلدىڭ ءورت ءسوندىرۋ جانە قۇتقارۋ قىزمەتى ورمان ءورتى جاقىن ماڭداعى جانارماي قۇيۋ بەكەتىنە جاقىنداپ كەلە جاتقانىن مالىمدەدى.
جاعدايعا بايلانىستى يەرۋساليم مەن تەل-ءاۆيۆتى بايلانىستىراتىن تاس جول ەكى جاققا دا بىرنەشە ساعاتقا جابىلدى.
دۇيسەنبى كۇنى تاڭەرتەڭ يزرايلدە اپتاپ ىستىق بولدى جانە كەلەسى اپتا جەكسەنبىگە دەيىن سوزىلادى دەپ كۇتىلۋدە. وتكەن اپتادا يزرايل مەتەورولوگيالىق قىزمەتى تاۋلى اۋدانداردا اپتاپ ىستىق بولادى دەپ بولجاعان.