سارىاعاشتا پاتەر ۇتىپ العانى تۋرالى جالعان اقپارات تاراتىپ, ەلدەن اقشا العان كۇدىكتى قولعا ءتۇستى, دەپ جازادى Egemen.kz.
جابىرلەنۋشىنىڭ ايتۋىنشا, بەلگىسىز ادام قوڭىراۋ شالىپ «پاتەر ۇتىپ الدىڭىز, ونى الۋ ءۇشىن 500 000 تەڭگە اۋدارۋىڭىز كەرەك» دەپ ەسەپشوتىنا اقشا اۋدارتىپ العان.
اتالعان جايتتى سارىاعاش اپب-نىڭ پوليتسەيلەرى قر قىلمىستىق كودەكسىنىڭ 190-بابى (الاياقتىق) بويىنشا تىركەپ, ىزدەستىرۋ جۇمىستارىن باستاپ كەتتى.
سارىاعاش پوليتسەيلەرى جەدەل-ىزدەستىرۋ جۇمىستارىن جۇرگىزىپ, كۇدىكتى دەپ تانىلعان قاراعاندى قالاسىنىڭ تۇرعىنىن انىقتاپ, پوليتسيا بولىمىنە جەتكىزدى.
كۇدىكتىنىڭ اقشانى ءوز قاجەتىنە جاراتقانى بەلگىلى بولدى. قازىرگى تاڭدا ءتارتىپ ساقشىلارى وقيعانىڭ تولىق ءمان-جايىن تەكسەرىپ جاتىر.