اتىراۋ وبلىسىنىڭ اكىمدىكتەرى Ashyq جوباسىمەن جۇمىس ىستەۋگە كىرىستى, دەپ حابارلايدى Egemen.kz.
وبلىس اكىمى ءباسپاسوز قىزمەتىنىڭ اقپاراتىنا قاراعاندا, 26 ساۋىردەن بەرى Ashyq باعدارلاماسىنا كاسىپكەرلەر تاراپىنان 812 ءوتىنىش تۇسكەن. ونىڭ ىشىندە 781 نىسانعا QR-كود بەرىلدى. كەلۋشىلەردى تىركەمەگەنى ءۇشىن 13 نىسان باعدارلامادان ەكى اپتاعا شىعارىلدى. ال, 577 كاسىپكەرلىك نىسانى تەستتىك رەجيمىنەن وتكەن.
ەندى وبلىستىق اكىمدىككە قىزمەتكەرلەر مەن كەلۋشىلەر اshyq باعدارلاماسىن قولدانىپ, كورونوۆيرۋسقا قاتىستى مارتەبەسىن كورسەتۋ ارقىلى كىرە الادى.
«بۇل تالاپ اتىراۋ قالالىق, اۋداندىق جانە اۋىلدىق وكرۋگ اكىمدىكتەرىندە دە جۇزەگە اسىرىلادى. ماقسات – ادامداردىڭ ساۋلىعىن ساقتاپ, قاۋىپىسزدىگىن قامتاماسىز ەتۋ. ويتكەنى, «قىزىل ايماقتاعى» وڭىردە كوروناۆيرۋس ينفەكتسياسى ءورشىپ, ەپيدەميالىق احۋال كۇردەلەنىپ بارادى», دەپ حابارلادى اكىمدىكتىڭ ءباسپاسوز قىزمەتى.