توكيو وليمپياداسىنىڭ كەزەكتى جارىس كۇنىندە جەڭىل اتلەتتەرىمىز سايىسقا ءتۇستى, دەپ حابارلايدى Egemen.kz.
ايەلدەر اراسىنداعى ءۇش قارعىپ سەكىرۋ باعدارلاماسىندا سايىسقا تۇسكەن ولگا رىپاكوۆا, يرينا ەكتوۆا, ماريا وۆچيننيكوۆا فينالعا شىعا الماي قالدى.
ايتا كەتەلىك, جارىسقا قاتىسشۋىلارعا ءۇش مۇمكىندىك بەرىلەدى. ال فينالدىق سىنعا 12 سپورتشى جولداما الادى. ول ءۇشىن 14, 40 مەتردى باعىندىرۋ كەرەك.
رىپاكوۆا ءوزىنىڭ ەڭ ۇزدىك مۇمكىندىگىندە 13,69 مەترگە سەكىردى. بۇل فينالعا ءوتۋ ءۇشىن جەتكىلىكسىز.
سونداي-اق, ىرىكتەۋ كەزەڭىندە ماريا وۆچيننيكوۆا مەن يرينا ەكتوۆا دا سىنعا تۇكەن بولاتىن. ولار جارىستىڭ ءبىرىنشى اينالىمىنان اسا الماي, 26-شى جانە 31-ءشى ورىن الدى.
ەسكە سالا كەتەيىك, ولگا رىپاكوۆانىڭ ەنشىسىندە وليمپيادانىڭ ءۇش مەدالى بار. ول 2012 جىلعى لوندون وليمپياداسىندا چەمپيون اتانسا, 2008 جىلعى بەيجىڭ ويىندارىندا كۇمىس, 2016 جىلعى ريو وليمپياداسىندا قولا مەدال جەڭىپ العان.