كەشە باستالعان ورتتە ماناۆگاتتا 3 ادام قازا تاپتى, دەپ حابارلايدى Egemen.kz ntv.com.tr سايتىنا سىلتەمە جاساپ.
ءورت ءسوندىرۋ جۇمىستارى ءالى جالعاسىپ جاتىر. ءورت شىققان ايماق كەشەدەن بەرى قاتتى تۇتىنگە ورانعان. اقسەكيدەگى ءورت ويماپىنار بوگەتىندەگى سۋ ەلەكتر ستانتسياسىنا قاراي ىلگەرىلەپ بارا جاتقانى تۋرالى حابارلاندى.
تاڭەرتەڭ اۋىل جانە ورمان ءمينيسترى بەكير پاكدەميرلي ءورتتىڭ باقىلاۋعا الىنعانىن ايتقان, الايدا جەلدىڭ اسەرىمەن جالىن ۇدەپ كەتكەن.
اپاتتار مەن توتەنشە جاعدايلاردى باسقارۋ مينيسترلىگىنىڭ حابارلاۋىنشا, ورتتەن 122 ازاماتىمىز زارداپ شەككەن. ونىڭ 58-ءى ەم الىپ جاتىر. 3 ادام قازا تاپقان.