جىل باسىنان بەرى 147 173 ەلوردالىق الەۋمەتتىك-مەديتسينالىق ساقتاندىرۋ قورى تاراپىنان تەگىن ءدارى-دارمەكپەن قامتىلدى, دەپ حابارلايدى Egemen.kz.
2021 جىلدىڭ ءى جارتىجىلدىعىندا نۇر-سۇلتان قالاسىندا 5, 43 ملرد تەڭگە سوماسىنا 438 057 تەگىن رەتسەپت بويىنشا 147 173 پاتسيەنت تەگىن ءدارى-دارمەكپەن قامتاماسىز ەتىلدى. بۇل جونىندە الەۋمەتتىك-مەديتسينالىق ساقتاندىرۋ قورىنىڭ نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ ZOOM پلاتفورماسىندا وتكەن ءباسپاسوز ءماسليحاتىندا مالىمدەدى.
ونىڭ ايتۋىنشا, قور دەنساۋلىق ساقتاۋ باسقارمالارىنىڭ الدىندا ءدارى-دارمەكپەن قامتاماسىز ەتۋگە جاتاتىن بارلىق پاتسيەنتتەردى قامتۋ تۋرالى ماسەلەنى بىرنەشە رەت كوتەرگەن.
«بيىل بۇل ماسەلەنى شەشۋدە ىلگەرىلەۋ بار, الداعى ۋاقىتتا دا بۇل پروبلەماعا مونيتورينگ جۇرگىزىلەتىن بولادى. سەبەبى, ءبىزدىڭ قور پاتسيەنتتەردى ءدارى-دارمەكپەن قامتاماسىز ەتۋدى قارجىلاندىرۋ بويىنشا سق-فارماتسيا جانە مەديتسينالىق ۇيىمدار الدىنداعى ءوز مىندەتتەمەلەرىن تولىق ورىندايدى», دەدى ول فيليال ديرەكتورى.