قىزىلوردا وبلىسى اكىمىنىڭ وكىمىمەن قىزىلوردا وبلىسىنىڭ جەر قاتىناستارى باسقارماسىنىڭ باسشىسى قىزمەتىنە مەدەت ۋساين تاعايىندالدى, دەپ حابارلايدى Egemen.kz سىر بويى باسىلىمىنا سىلتەمە جاساپ.
مەدەت ۋساين 1987 جىلى تۋعان. ق. ي. ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىن «كولىك, كولىك تەحنيكاسى جانە تەحنولوگياسى», قورقىت اتا اتىنداعى قىزىلوردا مەملەكەتتىك ۋنيۆەرسيتەتىن «قارجى» ماماندىقتارى بويىنشا بىتىرگەن.
ەڭبەك جولىن قىزىلوردا وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باس مامانى رەتىندە باستاعان.
2012-2013 جىلدارى – قىزىلوردا وبلىسىنىڭ كاسىپكەرلىك جانە ونەركاسىپ باسقارماسىنىڭ باس مامانى;2013-2016 جىلدارى – قىزىلوردا وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ ءبولىم باسشىسى, باسقارما باسشىسىنىڭ ورىنباسارى.2016 – 2020 جىلدارى قىزىلوردا وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى, 2020 جىلدىڭ مامىر ايىنان وبلىستىق جۇمىلدىرۋ دايىندىعى باسقارماسىنىڭ باسشىسى لاۋازىمىن اتقارىپ كەلدى.