قىزىلوردا وبلىسىندا توعىز جاسار بالا كانالدىڭ سۋىنا باتىپ, كوز جۇمدى, دەپ حابارلايدى Egemen.kz وبلىستىق توتەنشە جاعدايلار دەپارتامەنتىنە سىلتەمە جاساپ.
وقيعا بۇگىن, 27 شىلدەدە ساعات 13.40 شاماسىندا ارال اۋدانىنا قاراستى امانوتكەل ەلدى مەكەنى تۇسىنداعى سۋارمالى كانال بويىندا بولدى.
«وقيعا جونىندەگى حابار وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ قىزمەتىنە 14.10-دا كەلىپ ءتۇستى. جەرگىلىكتى تۇرعىندار كۇشىمەن بالانىڭ دەنەسى جاعاعا شىعارىلدى. ول بەلگىسىز جاعدايدا سۋعا باتىپ كەتكەن», دەپ ءمالىم ەتتى وبلىستىق توتەنشە جاعدايلار دەپارتامەنتى ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنىڭ مامانى ءاليا ەرەجەپوۆا.