تۇرىكمەنستاندىق زىلتەمىرشى پولينا گۋرەۆا توكيودا ءوتىپ جاتقان ءحححىى جازعى وليمپيادا ويىندارىندا كۇمىس مەدال جەڭىپ الدى, دەپ حابارلايدى Egemen.kz تۇركى اكادەمياسىنىڭ رەسمي سايتىنا سىلتەمە جاساپ.
اۋىر اتلەت پولينا گۋرەۆانىڭ بۇل جەتىستىگى تۇرىكمەنستاننىڭ جاڭا تاريحىنداعى العاشقى وليمپيادالىق مەدالى سانالادى.
پولينا گۋرەۆا 59 كيلوعا دەيىنگى سالماقتاعى جۇلقي كوتەرۋدە — 96 كەلى, ال سەرپە كوتەرۋدە 121 كەلى سالماقتى باعىندىرىپ, قورتىندى ناتيجەدە 217 كەلى كوتەردى.
پ. گۋرەۆا 22 جاستا, ول وسىلايشا تۇرىكمەنستان تاريحىندا وليمپيادا مەدالىن جەڭىپ العان العاشقى سپورتشى بولدى.
ايتا كەتۋ كەرەك, بۇل ونىڭ العاشقى وليمپيادا ويىندارىنا قاتىسۋى. بۇعان دەيىن ول 2017 جىلى باكۋدە وتكەن يسلام ىنتىماقتاستىق ويىندارىندا چەمپيون اتانعان ەدى.