رەسەيدە COVID-19 ينفەكتسياسىن جۇقتىرۋ مەن ۆيرۋس سالدارىنان كوز جۇمۋ جاعدايلارىنىڭ ءورشۋ دەڭگەيى ءالى دە تومەندەگەن جوق, دەپ حابارلايدى Egemen.kz.
سوڭعى تاۋلىكتە رەسەي فەدەراتسياسىندا 24 471 ادام كوروناۆيرۋس ىندەتىنە شالدىققان. ءولىم-ءجىتىمنىڭ رەكوردتىق سانى دا ورىن الۋدا. شىلدە ايىنىڭ باسىنان بەرى ەلدە كۇن سايىن 700-دەن استام ادام قايتىس بولادى.
وتكەن تاۋلىكتە كوروناۆيرۋستىق ينفەكتسيادان 796 ازامات كوز جۇمدى. اۋرۋ سالدارىنان قۇربان بولۋ دەرەكتەرى ءىرى قالالاردا كوپتەپ تىركەلۋدە: ماسكەۋدە-102 ادام جانە سانكت-پەتەربۋرگتە وتكەن كۇنى 95 ناۋقاس قايتىس بولدى.