ايت مەرەكەسىنىڭ ەكىنشى كۇنى قازاقستاندا 32 896 وتباسىعا ەت تاراتىلدى, دەپ حابارلايدى Egemen.kz قازاقستان مۇسىلماندارى ءدىني باسقارماسىنا سىلتەمە جاساپ.
جۇمىس بارىسىندا سانيتارلىق تالاپتاردىڭ ساقتالۋى قاتاڭ قاداعالاندى.
« ۇلىق مەيرامدا قايىرىمدىلىق شاراسىن جانداندىرا ءتۇسۋ ماقساتىندا قۇرىلعان ارنايى جۇمىس توبى قۇربان ايتتىڭ ەكىنشى كۇنى رەسپۋبليكا بويىنشا 32 896 مۇقتاج وتباسىعا قۇرباندىق ەتىن جەتكىزدى. ەلىمىز بويىنشا www.qurban2021.kz سايتىنا قاشىقتان قۇربان شالۋعا تاپسىرىس بەرگەن ازاماتتاردىڭ ۋاكىلدىك قۇرباندىعى تولىعىمەن ورىندالدى. وسى ۋاكىلدىك قۇرباندىعىنىڭ ەسەبىن قاجەت ەتكەن جاندارعا اتقارىلعان ءىس-شارالاردىڭ فوتو, ۆيدەو مالىمەتى تولىق جىبەرىلدى», دەلىنگەن قمدب حابارلاماسىندا.
ايتتىڭ ەكىنشى كۇنى qurban2021.kz سايتى ارقىلى قۇربان شالۋعا 2 724 تاپسىرىس كەلىپ تۇسكەن جانە رەسپۋبليكا كولەمىندە 4246 قوي, 219 ەشكى, 523 سيىر جانە 6 تۇيە سويىلدى.