ءماليدىڭ ۋاقىتشا پرەزيدەنتى اسسيمي گويتاعا قاستاندىق جاسالدى, دەپ حابارلايدى Egemen.kz انادولى اگەنتتىگىنە سىلتەمە جاساپ.
جەرگىلىكتى بۇقارالىق اقپارات قۇرالدارىنىڭ حابارلاۋىنشا, پىشاقپەن قارۋلانعان ادام ەل استاناسى باماكونىڭ ۇلكەن مەشىتىنەن شىعا بەرىستە كەلە جاتقان گويتاعا شابۋىل جاساماق بولعان. ساياساتكەر قۇربان ايتقا وراي مەشىتكە بارعان.
اقپاراتقا سايكەس, وقيعا سالدارىنان جاقىن ماڭداعى ءبىر ەر ادام دا جاراقات العان. شابۋىل جاساۋشى ۇستالدى.
ايتا كەتەيىك, 24 مامىردا ءماليدىڭ وتپەلى كەڭەسىنىڭ ۆيتسە-پرەزيدەنتى جانە 2020 جىلى ەلدەگى اسكەري توڭكەرىستى ۇيىمداستىرۋشى اسسيمي گويتا وتپەلى كەڭەستىڭ باسشىسى با نداو مەن پرەمەر-مينيستر موكتار ۋانا باستاعان بىرقاتار جوعارى لاۋازىمدى تۇلعالاردى قىزمەتىنەن بوساتقان ەدى.
7 ماۋسىمدا ماليدەگى توڭكەرىستەن كەيىن بيلىككە كەلگەن اسسيمي گويتا مەملەكەت باسشىسى رەتىندە رەسمي تۇردە قىزمەتىنە كىرىسكەن.