اقتوبە پوليتسياسى جالعان پتر انىقتامانى ساتىپ كەلگەن ەرلى-زايىپتىنى ۇستادى, دەپ حابارلايدى Egemen.kz.
پوليتسيا قىزمەتكەرلەرى جەدەل ءىس-شارالاردى وتكىزۋ بارىسىندا 2020 جىلدىڭ سوڭىنان باستاپ جالعان پتر اناقتامانى ساتىپ جۇرگەن ەرلى-زايىپتىنى ۇستادى. اقتوبەنىڭ 33 جاستاعى تۇرعىنى مەن ونىڭ ايەلى جاساعان ءىس اشكەرە بولدى. كەلىنشەگى قالاداعى مەديتسينالىق ورتالىقتاردىڭ بىرىندە دارىگەر بولىپ جۇمىس ىستەگەن. ول كۇيەۋىنە پتر انىقتاما جاساپ بەرىپ, ساتۋمەن اينالىسقان.
«كۇيەۋى «جايساڭ» شەكارا بەكەتىندە رەسەيگە باراتىن جۇك كولىكتەرىنىڭ جۇرگىزۋشىلەرىنە پتر انىقتاما ۇسىنعان. انىقتالعانداي, جۇرگىزۋشىلەردىڭ دەرەكتەرىن جۇبايىنا جىبەرىپ, ال جۇبايى جالعان انىقتامانى كۇيەۋىنە بەرىپ وتىرعان. سوتقا دەيىنگى تەرگەۋ بارىسىندا كورىنەۋ جالعان پتر انىقتاما قولدانعان 10 ادام كۋاگەر رەتىندە انىقتالىپ, ولاردان جاۋاپ الىندى.
اتالعان دەرەك بويىنشا قىلمىستىق كودەكستىڭ «كورىنەۋ جالعان قۇجاتتى پايدالانۋ» بابى بويىنشا تەرگەۋ امالدارى جۇرگىزىلىپ جاتىر», دەپ حابارلادى وبلىستىق پد ءباسپاسوز قىزمەتىنىڭ جەتەكشىسى ەربولات سارقۇلوۆ.